Փաշինյանական դատարանը քաղբանտարկյալ Նարեկ Մալյանի կալանքի ժամկետը երկարացրեց 3 ամսով

«Նարեկ Մալյանին կալանքի տակ պահելու հիմքերն առկա են»,-դատարանում հայտարարեց մեղադրող դատախազը՝ առաջարկելով Մալյանի նկատմամբ ընտրված խափանման միջոց կալանքի ժամկետն ավելացնել 3 ամսով։
Ինչպես հաղորդում է Panorama.am-ը, Մալյանի պաշտպան Ռուբեն Մելիքյանն արձագանքեց՝ շատ զարմացած է մեղադրական կողմի դիրքորոշումից։
«Ի՞նչ է նշանակում ոչինչ չի փոխվել, հարգելի մեղադրող։ Հերթով կարող եմ թվարկել, թե ինչ է փոխվել։ Նախ փոխվել է այն, որ գործը հասել է դատարան, վստահ եմ, որ պարոն դատախազը տեղյակ է միջազգային պրակտիկային, որն ասում է՝ որքան ժամանակը գնում է, ռիսկերը նվազեցվում են»,-ասաց Մելիքյանը։
Մալյանի մյուս պաշտպան Տիգրան Աթանեսյանն ավելացրեց՝ ի՞նչ է նշանակում, երբ մեղադրողն ասում է՝ Մալյանին պետք է համցանցից, հասարակությունից հեռու պահել։
«Այսինքն, մենք ճիշտ ենք»,-ասաց Աթանեսյանը։
Լսելով կողմերին՝ դատավոր Սուսաննա Գզոգյանը որոշում կայացրեց Նարեկ Մալյանի կալանավորման ժամկետը երկարաձգել երեք ամիս ժամետով։
Դատական նիստը հետաձգվեց։ Հաջորդ նիստը կկայանա նոյեմբերի 24-ին ժամը 15։00-ին։
Լուսանկարը՝ «Պանորամա.ամ»-ի