Օտարերկրյա հաշվառման համարանիշներով մեքենաների վարորդները կտուգանվեն

Հայաստանում օտարերկրյա հաշվառման համարանիշներով մեքենաների վարորդները կտուգանվեն: Վարորդներն իրենց կողմից կատարած իրավախախտման մասին կիրազեկվեն սահմանակետերում:

Այս մասին նոյեմբերի 22-ին լրագրողների հետ հանդիպմանն ասաց ՀՀ ճանապարհային ոստիկանության պետ Եգոր Կարապետյանը: Նա նշեց, որ սահմանակետերում վարորդներին կծանուցեն խախտման մասին եւ տուգանքը նրանք կամ կվճարեն տեղում, կամ էլ հաջորդ անգամ Հայաստան մուտք գործելուց:

ՃՈ պետի տեղակալ Արմեն Խաչատրյանը սակայն նշեց, որ նրանք մտավախություն ունեն, որ մեկ անգամ Հայաստան եկած օտարերկրացին կծանուցվի, չի վճարի տուգանքը և այլևս Հայաստան չի գա:

«Նման ռիսկ կա, սակայն ձեռնարկված վարչարարական և տեխնիկական միջոցներով հնարավորինս հասցվում է նվազագույնի, որպեսզի ցանկացած իրավախախտող պատասխանատվության ենթարկվի և վճարի տուգանքը»,-նշեց նա՝ հավելելով սակայն, որ օտարերկրյա վարորդների համար սահմանված է վճարումները կատարելու նույն ընթացակարգը:

Արմեն Խաչատրյանը նաև նշեց, որ եթե վարորդը ելքի պահին չի վճարում տուգանքը, ապա այդ մարդուն այլևս Հայաստան մուտքի վիզա չի տրվի:

Zham.am