Փաշինյանական իշխանությունը ռուսական հեռուստահաղորդման պատճառով իրար անցնելու լուրջ պատճառներ ուներ (տեսանյութ)
Լրագրող Արմեն Հակոբյանը կարծում է, որ Փաշինյանն ու նրա մերձավոր քաղշրջապատը լուրջ պատճառներ ունեին ռուսական «Առաջին ալիք» հեռուստաընկերության՝ օրերս «Տուտիի թագաժառանգի տիկնիկները: Նիկոլ Փաշինյան՝ աղետի գուժկանը» հաղորդման հեռարձակումից իրար անցնելու համար:
«Հրապարակի»՝ «Հինգշաբթին Էդիկ Անդրեասյանի հետ» հաղորդաշարի հյուրը նկատում է, որ նույնիսկ անկախ այն հանգամանքից, թե հաղորդման ընթացքում կոնկրետ ինչեր են ասվել Նիկոլ Փաշինյանի մասին կամ հասցեին, բուն փաստը, որ նման հաղորդում է հեռարձակվել ռուսական «Առաջին ալիքով», արդեն իսկ լուրջ ահազանգ կամ նախազգուշացում է առ այն, որ փաշինյանական իշխանությունը Մոսկվայի հետ հարաբերություններում որոշակի գծեր է հատել: «Փաշինյանական թիմի համար անհանգստանալու, այսպես ասած՝ «վառվելու» խնդիրը բուն հաղորդումն է: Այսինքն՝ իրենք հասել կամ հասցրել են մի եռման կետի, որին արդեն հաջորդել է այդ հաղորդումը: Ու հաղորդման մեջ արվեց նման արտահայտություն՝ Пашинян доигрался»,-նկատում է Արմեն Հակոբյանը:
Մանրամասն՝ «Հրապարակի» տեսանյութում
Հետևեք մեզ Facebook-ում