Ի՞նչ «նախկին պայմանավորվածություններ» է Արարատ Միրզոյանը վերահաստատել Թուրքիայի ԱԳ նախարարի հետ (տեսանյութ)

Փաշինյանի ԱԳՆ-ն պաշտոնական հաղորդագրություն է տարածել Թեհրանում իրենց ղեկավարի և թուրքական ԱԳ նախարար Հալան Ֆիդանի հանդիպման մասին: Այսպես. «Հոկտեմբերի 23-ին Թեհրանում տարածաշրջանային խորհրդակցական հարթակի («3+3») հանդիպման շրջանակներում տեղի է ունեցել ՀՀ արտաքին գործերի նախարար Արարատ Միրզոյանի և Թուրքիայի արտաքին գործերի նախարար Հաքան Ֆիդանի հանդիպումը: Քննարկվել են ընթացիկ տարածաշրջանային և երկկողմ օրակարգային հարցեր: Վերահաստատվել է նախկինում ձեռք բերված պայմանավորվածություններն ի կատար ածելու պատրաստակամությունը»:
Շատ պարզ հարց է միանգամից ծագում. այդ ի՞նչ «նախկինում ձեռք բերված պայմանավորվածություններ» է ունեցել Արարատ Միրզոյանը Հաքան ֆիդանի կամ Թուրքիայի հետ առհասարակ, որ հիմա մի հատ էլ դրանք վերահաստատվել են: Մինչև հիմա թուրքական կողմը, ի դեմս Էրդողանի, օրինակ, «Զանգեզուրի միջանցքից» էր խոսում, չհաշված այլ հակահայկական նախապայմաններն ու պայմանները: Գուցե Արարատ Միրզոյանը միանգամի՞ց հրապարակայնացնի այդ «նախկինում ձեռք բերված պայմանավորվածությունները: 
Նաև ավելորդ չէ հիշեցնել, որ Հաքան Ֆիդանը նախքան այս գլխավորում է թուրքական հետախուզությունը: Իսկ թե մամուլում ի՞նչ մեղադրանքներ էին շրջանառվում Արարատ Միրզոյանի հետ կապված, կարելի է նույնիսկ չհիշեցնել: Ամեն դեպքում, Թուրքիայի հետ փաշինյանական իշխանության «նախկին պայմանավորվածությունների» վերահաստատումը բացարձակապես ոչ մի լավ բան չի հուշում: 
Zham.am

Արձանագրային տեսանյութը՝ ԱԳՆ էջից: