Ինձ համար Արցախի էջը փակված չէ. Սերժ Սարգսյան (տեսանյութ)
Լրագրողների հետ զրույցում անդրադառնալով այն հիշեցմանը, որ ինքը հայտարարել էր, որ Արցախը չի լինելու Ադրբեջանի կազմում, բայց հիմա տեսնում ենք, թե ինչ իրավիճակ է, Հայաստանի երրորդ նախագահ Սերժ Սարգսյանը նշեց. «Ինձ համար Արցախի էջը փակված չէ»:
Ճշտող հարցին, թե՝ ինքը շանս տեսնո՞ւմ է, Սերժ Սարգսյանը պատասխանեց. «Այո, շանս տեսնում եմ: Եվ բոլոր նրանք, ովքեր իմ բառերը պիտի մեկնաբանեն որպես հոխորտանք կամ որպես ուղղակի զուտ խոսույթ, այդ մարդկանց հետ ընդհանրապես ես չեմ էլ ուզենա շփվել»:
Անդրադառնալով այն մեղադրանքներին, որոնք գործող իշխանությունն ուղղում է Արցախի իշխանություններին՝ նրանց մեղադրելով Արցախի կորստյան մեջ, Սերժ Սարգսյանը նշեց. «Ի՞նչ կապ ունեն նախկին նախագահները՝ հանձնելու հետ։ Սա՝ մեկ հանգամանք։ Երկրորդ հանգամանքը՝ խորհրդարանում ընտրված վերջին նախագահը ի՞նչ պետք է աներ, և ընդհանրապես՝ մնացած փոքր բանակով, փոքր զինված ուժերով արդյոք ի վիճակի՞ էր Արցախը դիմակայել Ադրբեջանին։ Իհարկե, ի վիճակի չէր։ Այսինքն, իրենց ցանկությունը ո՞րն էր, որ նրանք մինչև վերջին մարդը կռվեին, զոհվեին, իսկ այն կանայք ու երեխաներն էլ դառնային թուրքի «փա՞յ»։ Դա՞ է այս մարդկանց ցանկությունը եղել»,- ասաց նա:
Մանրամասնությունները՝ Yerevan.today-ի տեսանյութում:
Հետևեք մեզ Facebook-ում