Իրե՞նք են «թռնում», թե՞ մեզ են «թռնելու տարբերակ հուշում. պատահական անցորդ

Այս օրերին, ինչպես հայտնի է, անց է կացվում «Բացահայտիր Հայաստանը երկնքից» օդապարիկների փառատոն: Նախաձեռնողը օդապարիկային ճամփորդությունների վրա մասնագիտացած «Սքայբոլ» զբոսաշրջային գործակալությունն է: Իսկ մինչ այդ միջոցառման մասնակիցները բացահայտում են Հայաստանը՝ երկնքից, մեր հայրենակիցներն էլ հայտնաբերում են օդապարիկները՝ երկնքում, իրենց բնակելի թաղամասերի ու այլ վայրերի վրայով անցնելիս: 
Ճիշտ է, ներկա պայմաններում ու ժամանակներում ոչ ոք առանձնապես այդ օդապարիկային զվարճանքների ոչ սիրտն ունի, ոչ տրամադրությունը: Այնպես որ, անցորդներից մեկը, նկատելով Երևանի երկնքով խաղաղորեն «թևածող» օդապարիկների երամը, մեկ րոպեի չափ անխոս հետևեց դրանց թռիչքին, ապա դառը սրամտեց. «Ուզում եմ հասկանալ. Փաշինյանի կառավարությո՞ւնն է երկրից հեռանում, թե՞ իրենք մեզ են ուզում ինչ-որ բան հասկացնել, ասենք՝ «թռնելու» ժամանակն է, և տարբերակ են առաջարկում...»: 
Տեսանյութը՝ լրագրող Նարինե Կիրակոսյանի յութուբյան ալիքից:   
Zham.am