Պուտինի կարծիքով Փաշինյանը ճամփորդությունների ժամանակ չունի հիմա

«Մենք կապի մեջ ենք նրա (Փաշինյանի) հետ, և՛ հրավերը կա, և՛  նա հրավեր ունի Ռուսաստան այցելելու, տեսնենք։ Դե, մենք բոլորս  էլ հասկանում ենք, բոլորս էլ հասուն մարդիկ ենք, հասկանում ենք, թե ինչ է կատարվում այնտեղ։ Սա Ղարաբաղի հայերի ողբերգությունն է։ Նա, հավանաբար, հիմա ժամանակ չունի ճանապարհորդելու»,- հայտարարել է Ռուսաստանի նախագահ Վլադիմիր Պուտինը՝ ԱՊՀ ղեկավարների գագաթաժողովին հաջորդած ասուլիսի ժամանակ։
Ինչպես հաղորդում է News.am-ը Ռուսաստանի նախագահը նաև խոսել է Հայաստան մեկնելու իր պատրաստակամության մասին՝ նշելով, որ Երևանի հետ աշխատանքը չի դադարում թե՛ արտաքին գործերի նախարարության, թե՛ կառավարության տնտեսական բլոկի գծով։
«Նորմալ իրավիճակ կստեղծվի: Ես կմեկնեմ այնտեղ, կամ ինքը կգա։ Ունենք մշակված, համապատասխան աշխատանքային գրաֆիկ։ Մեր բոլոր ծառայություններն աշխատում են կապի մեջ, աշխատում է և՛ ԱԳՆ-ն, և՛ կառավարության տնտեսական բլոկը, մեր աշխատանքը չի դադարում»,- ասել է նա:
Տեսանյութը՝ News.am-ի յութուսյան էջից: