Գազայի հատվածում ու Իսրայելում զոհերի ընդհանուր թիվը անցել է հազարից, իսկ վիրավորներինը՝ մի քանի հազարից

Շարունակվում են մարտական գործողությունները ինչպես Գազայի հատվածում: Միջազգային գործակայլությունների տեղեկությունների համաձայն, իսրայելական բանակը հիմնականում վերականգնել է վերահսկողությունը այն բոլոր հատվածների վրա, որոնք հոկտեմբերի 7-ի առավոտյան սկսած հարձակման ընթացքում վերցրել էին «Համաս»-ի մարտիկները: «Համաս»-ի զանգվածային հրթիռային հարվածներին Իսրայելը պատասխանեց Գազայի հատվածին ուղղված «օդային հարվածներով»: Թեպետ հաղորդվում է, թե իսրայելական ըդուժը հարվածում է «Համաս»-ի ենթակառուցվածքներին և ռազմական նշանակության օբյեկտներին, բայց ակնհայտ է, որ պարզապես ռմբակոծում են Գազայի բնակչությանը: 
այդ ամենը, բնականաբար, հանգեցրել է մեծ թվով զոհերի ու վիրավորների, ինչպես իսրայելցիների, այնպես էլ՝ պաղեստինցիների շրջանում: 
ՌԻԱ «Նովոստի» ռուսական գործակալությունը փորձել է ի մի բերել շրջանառված տվյալները: Ըստ այդ աղբյուրի, հոկտեմբերի 7-9-ի միջակայքում Իսրայելում զոհվել է մոտ 600 մարդ (զինվորական, քաղաքացիական բնակչություն, չի հստակեցվում), իսկ ավելի քան 2000-ը վիրավորվել են: Պաղեստինցիների կողմում զոհվել է 370 մարդ, այդ թվում՝ բազմաթիվ երեխաներ, վիրավորվել 2200-ը: 
Իսրայելը հայտարարել է նաև Գազայի հատվածի բնակչությանը տոտալ բլոկադայի ենթարկելու, մասնավորապես՝ խմելու ջրի հոսքն արգելափակելու մտադրության մասին: Իսկ Իսրայելի վարչապետ Նեթանյահուն, ըստ պաշտոնապես տարածված հաղորդագրության, երկրի հարավային շրջանների ղեկավարների հետ հանդիպման ժամանակ հորդորել է ամուր մնալ իրենց տեղերում, որովհետև իրենք պատրաստվում են «փոխել Մերձավոր Արևելքը»: 
Պատկերը՝ ՌԻԱ «Նովոստիի» կայքից
Zham.am