«Արցախը հանձնել է Նիկոլ Փաշինյանը». Հրանտ Բագրատյան

«Արցախը հանձնել է Նիկոլ Փաշինյանը»,- այսօր «Հայելի» մամուլի ակումբում հարցուպատասխանի ընթացքում հատուկ ընդգծեց Հայաստանի նախկին վարչապետ Հրանտ Բագրատյանը: Նա ևս նշեց, որ դա տեղի է ունեցել 2022 թվականի հոկտեմբերի 6-ին, Փաշինյանի, Ալիևի, Էրդողանի՝ Պրահայում ունեցած տխրահռչակ հանդիպման ժամանակ: «Ես չգիտեմ, թե հոկտեմբերի 6-ին Պրահայում, երբ Նիկոլ Փաշինյանը նման բան էր հայտարարում, այն եղել է Եվրապայի՞, Արևմուտքի՞ ճնշման տակ, թե՞ Թուրքիայի և Ադրբեջանի: Այն կարող է վերջիններիս ճնշման տակ լինի, ինչն ավելի շատ է զայրացնում Ռուսաստանին»,-ասաց նա: 

Հրանտ Բագրատյանը զրույցի ընթացքում նաև նկատեց. «Դու (Փաշինյանը) պարտվում ես պատերզմը՝ գցում ես նախկինների ջեբը, հանձնում ես Արցախը՝ գցում ես ռուսների ջեբը: Կլինի՞ մի հատ դու ասես, թե նախկինները և ռուսներն է՛լ ի՞նչ են տվել Ադրբեջանին, որ մենք իմանանք էս գլխից,- հեգնեց նա, ապա հավելեց:- Վաղը Քյարքին տալու ես՝ գցես ռուսների ջե՞բը: Մի հատ կլինի՞, ասաս… Հոգնանք, արա՛: Դու գետնի վրա պարտություններ ես կրում՝ գցում ուրիշի ջեբը»:

Ինչ վերաբերում է Փաշինյանի կառավարության վարած հակառուսական քաղաքականությանը, Հրանտ Բագրատյանը դա բնորոշեց որպես արկածախնդրություն, որին պետք է վերջ տալ: 

Մանրամասն՝ hayeli.am-ի տեսանյութում: