Իրենց վերջը գալու մասին արտահայտությունը բորբոքեց Ալեն Սիմոնյանին, լեզվակռիվ սկսվեց (տեսանյութ)

ԱԺ հայտարարությունների ժամին ընդդիմադիր պատգամավոր Աննա Մկրտչյանի ելույթի վերջնամասում ՔՊ-ական ԱԺ նախագահ ու նիստը վարող Ալեն Սիմոնյանի նյարդերը տեղի տվեցին: Նա վիրավորական բնույթի դիտողություն արեց և ստացավ նույնպիսի պատասխան դիտողություն:
«Պատիվ ունեմ» խմբակցության պատգամավոր Աննա Մկրտչյանը, ինչպես ներկայացնում է «Երևան թուդեյ» կայքը հանդիմանեց իշխանական պատգամավորներին, քանզի վերջիններս ուրախ ու գոհ կեցվածքով էին շրջում ԱԺ դահլիճում. «Առավոտից հետևում եմ ՔՊ-ականների դեմքերին, պահվածքին ուզում եմ հասկանալ ինչի՞ց են այսքան ուրախ, գոհ, անհոգ. ինչի՞ց եք այդքան գոհ, ձեր ուզածին հասե՞լ եք, հանձնել եք Արցախը հիմա հանգի՞ստ եք: Երկրում սուգ է, Հայաստան աշխարհում ձեր բերած պարտության, ձեր բերած անարժանապատիվ կյանքի, ուղղակի այս դառնության մեջ ենք, բայց ձեր ծիծաղը, անհասկանալի աղմուկը դահլիճից չի կտրվում…Հայաստանին ու Արցախին տարբեր ժամանակահատվածներում հաղթանակներ բերած մարդկանց բարեհաջող տվի՞ք Բաքվին, դրանի՞ց եք գոհ: ...Դուք հո վամպիրնե՞ր չեք, էսքան ցավի ու արյան մեջ, էսքան անհոգ դեմքերով, ո՞նց եք ապրում, ո՞նց»,-պատգամավոր Աննա Մկրտչյանը: 
Ամփոփելով խոսքը և դիմելով ՔՊ-ականներին, նա նշեց. «Ձեր վերջը հաստատ գալու է: Ինչքան երկար եք մնում, ձեր պատիժն այնքան ավելի դաժան է լինելու»: 
Այդ դիտարկումն, ըստ երևույթին այնքան էլ դուր չեկավ Ալեն Սիմոնյանին, ու վիրավորական արտահայտություններով լեզվակռիվ սկսվեց: