Հանրահավաքից հետո փակել փողոցները. վաղը 10:00-ից շրջափակում ենք կառավարության շենքը. Վազգեն Մանուկյան. Տեսանյութ

Հանրահավաքը վերջացնելուց հետո խմբերով տարբեր փողոցներով գնացեք, մինչև 21:30 փակեք փողոցները, պարալիզացրեք ինչը կարող եք: Այս մասին այսօր՝ սեպտեմբերի 21-ին, Հանրապետության հրապարակում հրավիրված հանրահավաքին հայտարարեց նախկին վարչապետ Վազգեն Մանուկյանը:

«Հիմա արագորեն պետք է սկսել իշխանությանը ծնկի բերելու գործընթացը: Վաղը ժամը 11:00-ին այս շենքում տեղի է ունենալու կառավարության նիստ, որը մեզ համար կառավարություն չի: Այն կառավարությունը, որը դրդեց Արցախի ցեղասպանությանը, և այժմ սպառնում է Հայաստանի սահմաններին, գոյություն չունի: Մենք վաղը 10:00-ից կշրջապատենք ու թույլ չենք տա, որ կառավարության նիստ տեղի ունենա: Ես կոչ եմ անում մեր երիտասարդությանը ամեն տեղ անհնազանդության ակցիաներ անել»,- ասաց Վազգեն Մանուկյանը:

Մանրամասները՝ տեսանյութում։