ՇՏԱՊ ու ԿԱՐԵՎՈՐ

ՇՏԱՊ ու ԿԱՐԵՎՈՐ.

Հայաստանի հանգստյան տներ, պանսիոնատներ, հյուրանոցները պետք է նախապատրաստել մեր հայրենակիցներին ընդունելու համար։ Կառավարությունը պարտավոր է պետական բյուջեից գումար հատկացնել բոլոր անհրաժեշտ ծախսերի համար և կոմպենսացնի հյուրանոցների սենյակների վարձակալությունը, որի համար խելամիտ գներ պետք է սահմանվեն։ 

Պետք է այն հանգստյան տները, շինությունները, որոնք չեն շահագործվում, բայց կահավորումից հետո կարող են ծառայել որպես բնակարաններ, հարմարեցնել ու ապահովել անհրաժեշտ կահույքով և տեխնիկայով։ Գումարը կառավարությունը պետք է գտնի պետ բյուջեում, որում Սնուպ դոգին բերելու համար 6 մլն դոլար կար։ 

Պետք է ստեղծվի ալտերնատիվ կառավարություն կամ ազգային կոմիտե, որը կհամակարգի այս ամեն ինչը։

Պետք է ստեղծվեն կամավորական խմբեր, որոնք կհամակարգեն տեղափոխումը, դիմավորում և տեղավորումը, ապա նաև սնունդով և անհրաժեշտ իրերով ապահովումը։ Սոցապ նախարարությունն ու ՏԻՄ-երը պատերազմի ժամանակ ապացուցեցին, որ անկարող են դա անել ու տոտալ ձախողում են ամեն ինչ։

Պետք է հաշվառվեն բոլոր մարդատար տրանսպորտային միջոցները և էլի պետ բյուջեից գումար հատկացվի դրանց վառելիքով ապահովելով համար։ Ես անձամբ պատրաստ եմ իմ հաշվին իմ մեքենայով տեղափոխումն ապահովել, բայց դա չպետք է թողնվի կամավորների վրա։ Դրա համար կա պետ բնուջե, որը միայն իշխանության պարգևավճարների, վոյաժների, ծառայողական մեքենաների ու Սնուպ դոգի համերգի համար չի։

Ընդդիմությունը պետք է օր առաջ ակտիվ մասնակցություն ունենա այս ամենին, ձևավորելով ոչ միայն ազգային կոմիտեն, այլ նաև մնացած խմբերը։ 

Բոլորս գործ ունենք անելու ամեն ինչ ժամանակին կազմակերպելու և մեր հայրենակիցներին տեղափոխելու, տեղավորելու, անհրաժեշտ պայմաններով և իրերով ապահովելու, բարոյահոգեբանական ու ամեն տեսակի աջակցություն ցուցաբերելու համար։ 

Այսպես չպետք է լիներ, բայց հիմա կարող ենք ու պարտավոր ենք առնվազն դա անել։

Իսկ մեղավորների պատասխան տալու ժամանակը դեռ գալու է, ինչպես և կորցրածը հետ բերելու։ 2020 թվականի նոյեմբերի 9-ից հետո, դա իմ կյանքի գլխավոր նպատակն է։

Արման Հայրապետյանի Ֆեյսբուքյան էջից