Այսօր Հայաստանում մեկնարկում են հայ-ամերիկյան զորավարժությունները

Սեպտեմբերի 11-20-ը Հայաստանում անցկացվելու է «ԱՐԾԻՎ ԳՈՐԾԸՆԿԵՐ-2023» (Eagle Partner 2023) հայ-ամերիկյան համատեղ զորավարժությունը։

Զորավարժությունը կանցկացվի Հայաստանի ՊՆ-ի խաղաղապահ բրիգադի «Զառ» ուսումնական կենտրոնում և ՊՆ-ի N ուսումնական կենտրոնում՝ միջազգային խաղաղապահ առաքելություններում մասնակցության նախապատրաստման շրջանակներում։ Այն ենթադրում է խաղաղապահ առաջադրանքների ընթացքում հակամարտող կողմերի միջև կայունացման գործողություններ։

«Զորավարժության նպատակն է բարձրացնել միջազգային խաղաղապահ առաքելությունների մասնակցող ստորաբաժանման փոխգործակցելիության մակարդակը խաղաղապահ գործողությունների շրջանակում, իրականացնել կառավարման և մարտավարական հաղորդակցման լավագույն փորձի փոխանակում, ինչպես նաև բարձրացնել հայկական ստորաբաժանման պատրաստվածությունը ՆԱՏՕ/ ԳՀԽ «Օպերատիվ կարողությունների հայեցակարգ»-ի պլանային գնահատման համար», - ասված է Հայաստանի ՊՆ հաղորդագրությունում։

Պաշտոնական Մոսկվան բացասաբար է արձագանքել Հայաստանում ամերիկյան կողմի հետ համատեղ զորավարժությունների անցկացմանը՝ անցած շաբաթվա ընթացքում քանիցս «մտահոգություն» արտահայտելով:

 Հայ-ամերիկյան զորավարժություններին կմասնակցի 85 ամերիկացի եւ 175 հայ զինծառայող. ԱՄՆ Զինված ուժեր

Հայաստանի եւ ԱՄՆ զորավարժությունները չեն օգնի տարածաշրջանում իրադրության կայունացմանը. Պեսկով

Հայաստանն ԱՄՆ վաղեմի գործընկերն է, այս զորավարժությունն էլ առաջինը չէ. ԱՄՆ դեսպանատուն