Այսօրվա հանրահավաքը պետք է այնքան հզոր լինի, որ բեկումնային դառնա. Սեյրան Օհանյան. Տեսանյութ

Հիմա, երբ Արցախում փոփոխություններ են տեղի ունենում կառավարման համակարգում, դա պետք է նայել դրական տեսանկյունից։ Արցախում այսօր տեսնում ենք նաև կառավարման համակարգում որոշակի խնդիրներ, անհամաձայնութուններ քաղաքական էլիտայի գործողություններում։ Եվ այդ առումով եթե ինչ-որ փոփոխություն է տեղի ունենում, պետք է դրական տեսանկյունից նայել»,- Հայաստանում Արցախի հանրապետության ներկայացուցչության դիմաց լրագրողների հետ ճեպազրույցում ասաց ԱԺ «Հայաստան» խմբակցության ղեկավար, գեներալ-գնդապետ Սեյրան Օհանյանը։

Նա ասաց, որ Արցախի խնդրի լուծման առումով պետք է ռազմավարություն մշակել։ Այս առումով անհրաժեշտ համարեց, որ այսօր՝ սեպտեմբերի 2-ին Երևանում տեղի ունենալիք հանրահավաքը բեկումնային լինի՝ պարտությունների, անհաջողությունների շարանը կանգնեցնելու և ռազմավարություն մշակելու, Արցախի ինքնորոշման իրավունքը առաջ տանելու առումով։

«Ադրբեջանի նպատակը Արցախը հայաթափելն է, իսկ հեռահար նպատակը Հայաստանի չգոյությունն է։ Դրա համար պետք է ռազմավարություն մշակել, որ կարողանանք այս վիճակից դուրս գալ հօգուտ հայկական շահի»,- ասաց Սեյրան Օհանյանը։

Մանրամասները՝ Yerevan.Today-ի տեսանյութում։