Արցախի մեր շատ սիրելի դպրոցականներ. երբևէ չեմ պատկերացրել, որ այսպես կարող եմ շնորհավորել ձեր գիտելիքի տոնը
Դիտել նաև
Տեր Արամի անհիմն հրապարակումները օգտագործվում են կեղծ օրակարգեր ձևավորելու համար․ պարզաբանում
Երևանյան հին, բարի արտահայտությամբ՝ Իլհամ Ալիևը «ֆազերը գցել է»․ Արմեն Այվազյան
Իրավապահներին խորհուրդ կտամ զննել այս տեսանյութը ու պատասխանել՝ իրենք հանցագո՞րծ են, թե՞ չէ
Թուրքական կողմը Փաշինյանի համար առաջին բարոյահոգեբանական անհարմարությունը «կազմակերպել» էր հենց օդանավակայանում. Քաղաքական վերլուծաբան
«Թե բա` ասա извини»․ Արմենակ Դանիելյան
Արցախի մեր շատ սիրելի դպրոցականներ,
Երբևէ չեմ պատկերացրել, որ այսպես կարող եմ շնորհավորել ձեր գիտելիքի տոնը:
21-րդ դարում տետրեր չունեք, գիր-գրականությունը հին ու կիսատ, ամենահամեստ սնունդը` մեծ խնդիր, հոսանքը` անջատումներով, ձեր ծնողներից շատերը նույնիսկ չգիտեն, թե ընդմիջման համար ինչ են դնելու ձեր փոքրիկ պայուսակներում, դպրոցական բուֆետը ձեզ ոչինչ չի առաջարկելու, ուսուցիչներից շատերն անտրամադիր ու մտամոլոր... Այս դժվար օրերին, ձեր մանկա-պատանեական կյանքն ակամայից անկոտրուն պայքարի վերածելով, այսօր գնալու եք դպրոց:
Դուք, որ ձեր հերոսական պապերի ու հայրերի հազարամյա հպարտ Հայրենիքում արժանի եք ամենալավին, բազում դժվարությունների հետ միասին այսօրվանից հաղթահարելու եք նաև կրթության ու գիտության կարևոր բարձունքները: Թող հույսը և հավատը երբե´ք չլքեն ձեր մաքրամաքուր հոգիները: Իմացե´ք, որ մի ամբողջ Ազգ միշտ սատար է կանգնել, և այսօր էլ անվերապահորեն կանգնած է Արցախի համար: Դու´ք եք ապագայի Արցախը, որը հարատևելու է բոլոր խոչընդոտներից և հանգամանքներից անկախ:
Հաղթեք գիտելիքով, ձեր հայեցի դաստիարակությամբ ու մեր ժողովրդի կերտած հերոսական պատմությամբ: Ապագան, անկասկած, ձերն է լինելու, իսկ Արցախը` միշտ հայկական:
Հետևեք մեզ Facebook-ում