Հավաքական արևմուտքի՝ ԱՄՆ-ի, Բրիտանիայի, Եվրոմիության համար ՔՊ-ն Ռուսաստանին ու Իրանին թուլացնելու գործիք է

Ուղղակի պետք է միշտ մտքում վառ պահել, որ ՔՊ-ն մեզ համար է դավաճան:

Հավաքական արևմուտքի՝ ԱՄՆ-ի, Բրիտանիայի, Եվրոմիության համար նա Ռուսաստանին ու Իրանին թուլացնելու գործիք է:

5000 հոգու ՔՊ-ն սպանել է Արցախը հանձնելու համար՝ հայերին դավաճանելով, սակայն միևնույն ժամանակ Իրանի ու Ռուսաստանի ազդեցությունն ու հնավորությունները տարածաշրջանում փոքրացնելու համար:

Իրանի ու Ռուսաստանի ազդեցությունը տարածաշրջանում նվազեցնելն, ուղիղ համեմատական է Թուրքիայի ու Ադրբեջանի զորացմանը, այսինքն, հայերի ցեղասպանությանը:

Այդ ադրբեջանական օգնությունն է ակնհայտ, որ արյունոտ է, ԵՄ-ից, Բրիտանիայից և ԱՄՆ-ից անհաշվելի անտեսանելի արյունոտ օգնություն է տրվել: Օրինակ, բրիտանական HALO TRUST ականազերծման աշխատանքները, որի շնորհիվ թշնամին ավելի հեշտ է մտել Արցախ, և, ըստ Արցախի աղբյուրների, ականապատման քարտեզները տվել են Ադրբեջանին:

Կամ Հայաստանում գրանցված բազմաթիվ իրավապաշտպան կառույցները, որոնք լավ գործի անվան տակ ռուսաֆոբիա են քարոզում ու օգնում դավաճաններին Արցախն ու Սյունիքը հանձնելու գործում: Նույնն են այդ ընտանիքի լրատվամիջոցները, որոնք կարող է հրաշալի կոռուպցիոն բացահայտումներ անեն, սակայն մեծ նպատակը Արցախը հանձնելուն օգնելն է:

Տարածաշրջանում, որտեղ ռուսական ներկայություն կա, նրանց պետք է,որ դուրս շպրտվի և դա կարվի հայերի դավաճանների ձեռքով, ահաբեկիչների, սրբերի, թե կաշառակերների, 5000 մարդ, թե 150 հազար մարդ սպանելով, միևնույնն է, նպատակն արդարացնում է միջոցները:

Սա մտքում վառ պահելու պարագայում, յուրաքանչյուր քաղաքացի կիմանա, որ դեպքում ինչպես է պետք հարաբերվել Ռուսաստանի հետ, իսկ որ դեպքում են սուտ, թշնամանք ու չափազանցություն սրսկում, որ դեպքում առճակատումը կբերի ողբերգության, իսկ որ դեպքում Ռուսաստանին պահանջ ներկայացնելը՝ հաջողության:

Հայերի ցեղասպանության խոսափող ամերիկյան Ազատություն ռադիոն Հայաստանում դեռ ակտիվ գործում է, գործում է նաև ահաբեկչական, սուտասան Մսրա ծռերը, որոնք, շոշափելով հասարակության տրամադրությունները, փոխել են իրենց լոզունգները:

Հայաստանում ապրողների միտքը վառ պահելու պատասխանատվությունը տասնապատիկ ավելի շատ է, քանի որ Արցախում մարդկանց լարվածությունը պիկի վրա է: Էստեղից յուրաքանչյուր չմտածված խոսք կարող է անդառնալի հետևանք ունենալ Արցախում:

Մեր թշնամին Թուրքիան ու իրա յաթաղան Ադրբեջանն են, մյուս բոլոր երկրները մեզ համար ռեսուրս են, և մեր հնարամտությունից է կախված, թե ինչքան կթեքվեն մեր օգտին, բայց աշխատանքը անդադար պիտի տարվի, որ թեքվեն մեր օգտին, ոչ թե հակառակը, որ կորցնենք ռեսուրսը, որ թեքվեն մեր դեմ:

Հովհաննես Իշխանյանի ֆեյսբուքյան էջից