Ադրբեջանի անցակետում ևս 3 հայ է առեւանգվել (թարմացվում է)
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Հնարավոր է Շահրամանյանին կալանավորեն
Արցախի ԱԺ-ն հայտարարություն է տարածել
Օկուպացված Քարվաճառում ականի պայթյունից 45-ամյա տղամարդ է վիրավորվել
Արցախում շարունակվում են Ադրբեջանի և Իրանի համատեղ զnրավարժությունները
Բաքվում Արցախի ռազմաքաղաքական ղեկավարության կեղծ դատավարությանը ցուցմունք են տվել «տուժողները»
Ադրբեջանական կողմը Լաչինի միջանցքում գտնվող ապօրինի անցակետում առևանգել է ռուս խաղաղապահների ուղեկցությամբ Արցախից Հայաստան գնացող Ալեն Նելսոնի Սարգսյանին՝ ծնված 2001թ.: Այս մասին հայտնում է Արցախի տեղեկատվական շտաբը։
Առևանգման պատճառների մասին որևէ հավաստի տեղեկություն դեռևս հայտնի չէ: Ալեն Սարգսյանն ուսանող է, ով մեկնում էր Երևան՝ իր ուսումը շարունակելու նպատակով:
Ադրբեջանը շարունակում է Արցախի ժողովրդի հանդեպ ցեղասպանական քաղաքականությունը՝ հերթական անգամ խախտելով միջազգային մարդասիրական իրավունքի նորմերը: Դեպքի վերաբերյալ մանրամասները կհայտնվեն ավելի ուշ:
***
Ռուս խաղաղապահների ուղեկցությամբ Հայաստան տեղափոխվող 22-ամյա ուսանողին Լաչինի միջանցքում գտնվող ապօրինի անցակետից Ադրբեջանի կողմից առևանգելու մասին տեղեկություն ստանալուց հետո ՀՀ մարդու իրավունքների պաշտպանի աշխատակազմում դեպքի առնչությամբ սկսվել են ուսումնասիրություններ, Մարդու իրավունքների պաշտպանն անմիջապես կապ է հաստատել իրավասու մարմինների գործընկերների հետ։
Քննարկվել են նաև անցակետում համանման այլ միջադեպերի հետ կապված հարցերը։
Արդյունքները հրատապության կարգով կամփոփվեն և գրություններ կուղարկվեն մարդու իրավունքների պաշտպանության մանդատ ունեցող միջազգային հեղինակավոր կազմակերպություններին։
Միջազգային դերակատարների, այդ թվում ռուս խաղաղապահների միջնորդությամբ Հայաստան տեղափոխվող անձանց` Ադրբեջանի կողմից առևանգումը դատապարտելի և անթույլատրելի է։
ՀՀ մարդու իրավունքների պաշտպանը ևս մեկ անգամ ընդգծում է, որ տվյալ դեպքում գործ ունենք ադրբեջանական իշխանությունների կողմից մարդու իրավունքների կոպտագույն խախտումների հետ՝ նկատի ունենալով այն, որ չեն պահպանվում մարդու հիմնարար իրավունքներին միջամտության առնչությամբ ժամանակակից քաղաքակիրթ աշխարհում համընդհանուր ճանաչում ունեցող միջազգային-իրավական երաշխիքներն ու չափանիշները:
***
Առևանգվածների թիվը 3-ն է
Մեզ հետ զրույցում դեպքի ականատեսներից մեկը, որի անուն իր խնդրանքով չենք ներկայացնի, պատմեց, որ տղաներին բերման են ենթարկել՝ բիրտ ուժ կիրառելով։
Ադրբեջանցիներից մեկն անգամ հրացանի բռնակոթով հարվածել է երիտասարդներից մեկի գլխին։
ԱՀ տեղեկատվական շտաբ
***
Ադրբեջանի գլխավոր դատախազությունը հայտարարել է Լաչինի անցակետում երեք հայ ֆուտբոլիստների ձերբակալության մասին, ովքեր մեղադրվում են հանրապետության դրոշը պղծելու մեջ, գրում է ՌԻԱ Նովոստին՝ հղում անելով Ադրբեջանի դատախազությանը։
«Լաչինի անցակետում ձերբակալվել են երեք հայ ֆուտբոլիստներ, ովքեր երկու տարի առաջ վիրավորել են Ադրբեջանի դրոշը... Այս կապակցությամբ Ադրբեջանի գլխավոր դատախազը հետաքննություն է սկսել Քրեական օրենսգրքի երկու հոդվածներով», - ասված է հրապարակման մեջ։
Նշվում է, որ, հաշվի առնելով գործով մեղադրյալների տարիքը, Բաքուն կարող է նրանց միայն վարչական պատասխանատվության ենթարկել, սակայն պնդում է՝ «նրանց պետք է արտաքսել Հայաստան»։
Հետևեք մեզ Facebook-ում