Դոնալդ Թրամփն ընդդեմ հեղինակավոր Բերքլիի համալսարանի ուսանողների (տեսանյութ)

ԱՄՆ նախագահ Դոնալդ Թրամփը սպառնացել է զրկել պետական ֆինանսավորումից Կալիֆորնիայի Բերքլիի համալսարանն այն բանից հետո, երբ ցուցարարները զանգվածային անկարգություններ են կազմակերպել բողոքելով Breitbart-ի լրագրող Մայլո Յաննոպուլոսի ելույթի դեմ:

Լրագրողին համալսարանում ելույթով հանդես գալու հրավերի դեմ բողոքի ցույցը զանգվածային անկարգությունների է վերաճել: Ցուցարարները, որոնք իրենց "հակաֆաշիստներ" են անվանում, սկսեցին մեքենաներ, բանկոմատներ, համալսարանի ապակիներ վնասել, ինչպես նաև հարձակվել Թրամփի կողմնակիցների վրա, որոնք եկել էին դասախոսության:

Հրապարակված տեսանյութերը ցուցադրում են թե ինչպես են ուսանողները արտահայտում իրենց բողոքը:

Արդյունքում "հակաֆաշիստների" գործողությունների հետևանքով չեղարկվել է լրագրողի ելույթը:

Զանգվածային անկարգություններին ստիպված է եղել միջամտել ոստիկանությունը, իսկ մինչ այդ դեպքերին արձագանքել է ԱՄՆ նախագահ Դոնալդ Թրամփը, Թվիթթերում կատարելով հետևյալ բովանդակությամբ գրառումը:

-Եթե Բերքլիում Կալիֆորնիայի համալսարանն արգելում է խոսքի ազատությունը և բռնություն կիրառում անմեղ մարդկանց նկատմամբ, որոնք այլ տեսակետ ունեն, գուցե հարկ է զրկե՞լ նրանց պետական ֆինանսավորումից:

Zham.am