Էս ա Հայաստանի պատկերը էսօր` հանուն հայրենիքի կյանք տվածները պարտվում են հանուն կյանքի հայրենիք տվողներին

Ամեն առավոտ Իսակովի պողոտայով անցնելիս բախվում եմ երկու դաժան իրականության: Նախ իմ ձախ կողմում Եռաբլուրն է, որտեղ մինչև օրս առավոտ ութին գերեզմանը գրկած քնած ծնողներ կան: Այնտեղ իրենց վերջին հանգրվանը գտած տղեքն են, ովքեր իրենց կյանքը տվեցին լավ հայրենիք, հզոր պետություն ունենալու երազանքով: 

Մի քանի հարյուր մետր այն կողմ ԱՄՆ դեսպանատունն է, որտեղ ամեն օր հարյուրավոր մարդկանց հերթեր են: Նրանք էլ հակառակն են անում` հայրենիքն են տալիս հանուն լավ կյանքի խոստումի: Մեծ մասը երիտասարդներ, որոնք ԱՄՆ-ում տաքսու վարորդ են աշխատում, բայց Հայաստանում Օպելով տաքսու վարորդին անհարգալից վերաբերվում:

Էս ա Հայաստանի պատկերը էսօր` հանուն հայրենիքի կյանք տվածները պարտվում են հանուն կյանքի հայրենիք տվողներին:

Հրանտ Ավետիսյանի ֆեյսբուքյան էջից