Թուրքի դրոշը Զանգելանում էր, բայց մեր երեխեքին «էստի համեցեք»–ով տարան. ծնողը՝ փոխոստիկանապետին․ Տեսանյութ

Մեր տղերքին տարել, «էստի համեցեք»-ով տվել են թուրքին, եկել են: Այս մասին այսօր՝ հունիսի 26-ին, Երեւանի Բաղրամյան պողոտայում բողոքի ակցիայի ժամանակ նշեց Անհետ կորած համարվող 27-ամյա Վարդան Ադոյանի մայրը՝ Անահիտ Ադոյանը:

«Մեզ պետք է, որ հանձնարարական տան, 10 օրը մեկ դատ արվի: Բա ո՞նց մեր երեխեքին հանձնարարական տվեցին, թուրքը արդեն դրոշը դրած, ուղարկեցին Զանգելան: Երեք տարի է դատը գնում է, այսօր Մակարյան Անդոն ազատության մեջ է, ինչո՞ւ է ազատության մեջ»,-ասաց նա:

Մեկ այլ ծնող էլ շարունակեց. «Ես կարող եմ փաստերով ապացուցել, որ ինքը մեղավոր է, որ ինքն է հրամանը տվել, ինչի՞ չեն դատում: Կես ժամ դատ են անում, երկու ամիս հետաձգում են»:

Ոստիկանության աշխատակիցները փորձում էին համոզել, որ ծնողները բացեն Բաղրամյան պողոտան, սակայն ապարդյուն:

Նշենք, որ ակցիային մասնակցում են Էջմիածնի N զորամասի («քիմիկների» զորամաս) զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ մարտական առաջադրանքի և սխալ հրամանի  պատճառով նրանք հայտնվել էին շրջափակման մեջ ու անհետ կորել:

Նրանք փակել են Բաղրամյան պողոտա-Պռոշյան փողոց խաչմերուկը եւ պահանջում են հանդիպում Նիկոլ Փաշինյանի հետ: Նրանք մեկ շաբաթ առաջ էին Նիկոլ Փաշինյանի հանդիպելու պահանջով բողոքի ակցիա արել։ Փաշինյանը նրանց, սակայն, այդպես էլ չէր ընդունել։

Մանրամասները՝ NEWS.am-ի տեսանյութում