Գնացեք Իջևան քաղաք և տեսեք, թե Նիկոլ Փաշինյանի մտերիմները, նախկինում պարտքով սուրճ խմողները հիմա Աղստևի ափին ինչ բիզնես օբյեկտներ ու մեծ առանձնատներ են կառուցել

Իմ վաղեմի ծանոթներից մեկը ինձ նյութեր է ուղարկել <<հաղթանակած նախագահի>> մասին, որի երկրապագուն է ինքը։ Նշեմ, որ այդ <<հաղթանակած նախագահը>> մինչև համապետական ընտրություններ կեղծելը, սեփականաշնորհման տակ ազգային հարստությունը թալանելը, իր կառավարման օրոք կատարված նշանավոր գործիչների չբացահայտված սպանությունները, կիսատ է թողել հաղթական պատերազմը, կնքել ոչինչ չպարտավորեցնող, թղթի արժեք չունեցող հրադադար, հնարավորություն տալով Ադրբեջանին Կասպից ծովի նավթադոլարներով ու գազադոլարներով զինվելու, պատրաստվելու նոր պատերազմի։

Ավելին, հիմա էլ պատերազմը չի ավարտվել, լինելու է նոր պատերազմ,եթե դրան պատրաստ չլինենք, լինելու է նոր, ցավալի պարտություն և նոր կապիտուլյացիա։ Մեզ պարտության տարած իշխանություն կոչվածով հնարավոր չէ հաղթանակի հասնել։ 2021թ․ հունիսի 20-ի ընտրություններից հետո գրեցի, որ Նիկոլ Փաշինյանի ՔՊ-ին ընտրած 688 հազարից ամեն մեկը պետք է մեծ քար վերցնի ու իր գլխին խփի, քանզի իր ընտրությամբ քար է գցել հայ ազգի բախտին։ Կան քաղաքական առումով անիրազեկներ, մոլորվածներ և կան հայրենիքի պարտության հաշվին հարստացածներ։

Գնացեք Իջևան քաղաք և տեսեք, թե Նիկոլ Փաշինյանի մտերիմները, նախկինում պարտքով սուրճ խմողները հիմա Աղստևի ափին ինչ բիզնես օբյեկտներ ու մեծ առանձնատներ են կառուցել։ Դա է Արցախը հանձնելու գինը։ Իջևանի Սուրբ Ամենափրկիչ եկեղեցու պատի տակ հառնում է քայլող Նիկոլի արձանը , իրենց ընդդիմադիր հռչակածները երբևէ չեն հարցնում, թե ո՞ւմ և ի՞նչ որոշումով տեղադրվել այդ արձանը, կա՞ նման որոշում, մշակութային ի՞նչ արժեք է այն ներկայացնում , ինչո՞ւ <<փրկչի>>, կուռքի արձանը պետք է լինի եկեղեցու պատի տակ։

Ոսկան Սարգսյանի ֆեյսբուքյան էջից