Թքած ունեն, բայց մեր երեխեքին մեկ ա հետ են տալու, չեմ թողի, որ հանգիստ ապրեն․ անհետ կորածի մայր․ Տեսանյութ
Մեզ ոչ մեկ չընդունեց, մեր հարցերին որևէ մեկը չպատասխանեց, արհամարհանքից ու վիրավորանքից բացի ոչինչ չտեսանք։ Դիմում ենք գրել, սպասում ենք, թե երբ կպատասխանեն, անձամբ եմ դիմումը գրել, որ Նիկոլ Փաշինյանը մեզ ընդունի, մտնենք մոտը խոսենք, հարցեր ու պատասխաններ լինեն։ Այս մասին նախագահականի մոտ ակցիայի ժամանակ հայտարարեց անհետ կորած զինծառայողի մայրը՝ տիկին Գայանեն։
«Մեր երեխեքին պալյուբոմու տալու եք, ինչքան էլ փափուկ բարձ դնեք գլխներիս տակ, քնացնեք հարցը, միևնույնն է, մեր երեխեքին տալու եք, հարցը լուծում ստանալու է, չենք թողնելու հանգիստ ապրեք»,-նշեց նա։
Հարցին, թե ի՞նչ են քննարկել ԱԱԾ տնօրենի հետ, տիկին Գայանեն ասաց, որ տեղակալի հետ են խոսել․ «Ասում են, թե աշխատում ենք, բա ո՞ւր ա, ե՞րբ աշխատեցիք, որ մենք չտեսանք։ Ոչ մի բան չեն անում, դատը հետաձգում են ամիսներով, էնքան են հետաձգելու, որ դատը չանեն»,-ասաց նա՝ նշելով, որ այս քայլերը նպատակ ունեն հոգնեցնելու ծնողներին։
«Չի կարելի ծնողի վշտի նկատմամբ այսքան արհամարհանք ցույց տալ։ Մեր երեխեքը իրենց համար են գնացել, իրենց պատճառով են կորել»,-ասաց տիկին Գայանեն։
Մանրամասն՝ 24news.am տեսանյութում
Հետևեք մեզ Facebook-ում