Թրամպի հավանական արկածները Ճապոնիայում. Տեսանյութեր
Ամերիկյան պարբերականները շարունակում են քննադատել Թրամպի գործողություններն ու պահվածքը, լինի դա Միացյալ Նահանգներում թե արտերկրում: Այս անգամ էլ քննադատության թիրախ դարձավ Թրամպի այցը Ճապոնիա: Մասնավորապես, 2 դրվագի շուրջ է բարձրացել աղմուկը: Առաջին դրվագում, երբ Թրամպն իր կնոջ հետ այցելում էր Ճապոնիայի կայսրին, շատերը նկատեցին, որ Թրամպը մեքենայից դուրս գալուց մոռացավ իր կնոջը և արագ ձեռքը մեկնեց իրեն դիմավորող կայսրին: Իսկ երկրորդ դրվագն այն էր, որ երբ Թրամպը Ճապոնիայի վարչապետի հետ ձկներին կեր էր գցում, իրեն բնորոշ պահվածքով կերը ոչ թե գդալով և մաս- մաս էր տալիս ձկներին, այլ միանգամից ամանի ողջ կերը թափեց ջրի մեջ: Շատերը Թրամպի այս պահվածքը գնահատում էին որպես իրեն բնորոշ կոպիտ դրսևորում, որն արտահայտվում է ոչ միայն ձկների և իր կնոջ հանդեպ, այլև ընդհանրապես լրատվամիջոցների հանդեպ, սևամորթների, կանանց և այլն:
Zham.am
Հետևեք մեզ Facebook-ում