«Նիկոլյան Հայաստանի ստախոս արդարադատության նախարարը». պահեստազորի զինծառայողների նախաձեռնության հայտարարությունը

ՀՀ պահեստազորի զինծառայողների նախաձեռնությունը միանում է ՀՀ ԲԴԽ նախագահ՝ Կարեն Անդրեասյանի հրաժարականի պահանջին, միաժամանակ պահանջելով՝ ՀՀ արդարադատության նախարար՝ Գրիգոր Մինասյանի հրաժարականը: Այս մասին ՀՀ պահեստազորի զինծառայողների նախաձեռնությունը հայտարարությամբ է հանդես եկել:

Հայտարարությունը ներկայացնենք ստորև.

«Նիկոլյան Հայաստանի ստախոս արդարադատության նախարարը:
07.07.2023 թ-ին Ազատություն TV-ով «Ֆեյսբուքյան ասուլիս» արդարադատության նախարար՝ Գրիգոր Մինասյանի հետ հաղորդմանը բարձրաձայնվել է ՀՀ պահեստազորի զինծառայողների նախաձառնության հարցը, որտեղ նշվում էր, որ տարիներ շարունակ ոտնահարվում են զինծառայողների և նրանց հավասարեցված անձանց աշխատանքային իրավունքները, մասնավորապես սխալ են հաշվարկվել և հաշվարկվում տրամադրվող ամենամյա արձակուրդի օրերի քանակը` աշխատանքային օրերի փոխարեն տրամադրելով օրացույցային օրերով, այդ խնդիրը վերաբերում է նաև քրեակատարողական ծառայողներին։ Այդ իրավախախտումը արձանագրվել է ՄԻՊ-ի, Հանրային խորհուրդի, ինչպես նաև վարչական դատարանի բազմաթիվ դատավորների կողմից, ինչի հետևանքով ծանրաբեռնվուն են դատարանները և ավելանում հարկատուների բեռը, հարցնելով՝ Գ. Մինասյանին, որ իրազեկված լինելով վերոնշյալ իրավախախտումների մասով արդյո՞ք դուք չեք դրսեվորում հանցավոր անգործությունը։

Արդարադատության նախարարը այսօրվա իշխանությանը բնորոշ ոճով պատասխանել է, որ իբրև ըստ էության ծանոթ չէ այդ խնդրին ու չի հիշում, որ որևէ բողոք ստացած լինի այդ մասով:

Հարկ ենք համարում արձանագրել, որ վերջինս ծանոթ է զինծառայողների և նրանց հավասարեցված անձանց վերոնշյալ աշխատանքային իրավախախտումների խնդրին, քանի որ նախաձեռնության համակարգող՝ Էդգար Հովհաննիսյանը էլեկտրոնային հարցումների միասնական հարթակի միջոցով, դեռևս 07.06.2023 թ. թիվ 833404 համարի հարցումով, ինչպես նաև Գ. Մինասյանի պաշտոնական էլեկտրոնային փոստի միջոցով անձամբ իրազեկել է վերջինիս վերոնշյալ իրավախախտումների մասին, սկակայն արդարադատության նախարարը, ըստ ամենայնիվ, նախընտրում է ստել, վայելել պաշտոնը և պարգևավճարները, իր լիազորությունների շրջանակում հարցին լուծում տալու փոխարեն, ըստ էության թքած ունենալով իր ֆունկցիոնալ պարտականությունների և ծառայողների Սահմանադրական իրավունքների վրա:

Հանրությունը իրազեկված է ԲԴԽ նախագահ՝Կ. Անդրեասյանի և արդարադատության նախարար՝ Գ. Մինասյանի անբարոյական գործելավոճի մասին ու այն, որ ՀՀ փաստաբանների պալատի փաստաբանները պահանջում են Կարեն Անդրեասյանի հրաժարականը, ուստի՝ ՀՀ պահեստազորի զինծառայողների նախաձեռնությունը միանում է ՀՀ ԲԴԽ նախագահ՝ Կարեն Անդրեասյանի հրաժարականի պահանջին, միաժամանակ պահանջելով՝ ՀՀ արդարադատության նախարար՝ Գրիգոր Մինասյանի հրաժարականը»: