Նիկոլը ԱԺ-ում 5 ժամ խաբեց․ պետք է մաքրել միջավայրը նիկոլական ստերից․ Արմեն Աշոտյան

ՀՀԿ փոխնախագահ Արմեն Աշոտյանը «Նուբարաշեն» ՔԿՀ-ից հրապարակել է իր երկրորդ հոդվածը, որը ներակայացնում ենք ստորև․

«Նիկոլը կրկին բացել էր իր կեղտոտ, ստախոս և սանձարձակ բերանը ԱԺ-ում յուրայիններով կոմպլեկտավորված ժամանակավրեպ հանձնաժողովի նիստին:

Խոսել, ֆռացրել, խաբել է մոտ հինգ ժամ բաց հատվածում և միայն դրանք գիտեն, թե ինչեր է դուրս տվել փակ մասում: Իր ծրագրային ելույթին անդրադարձել եմ երկու ծավալուն վերլուծական հոդվածով, որոնք շերտ-շերտ հերձում էին պատմությունը աղավաղելու և հողատուի ցմահ դաջված խարանը սեփական ճակատից պոկելու նիկոլական ջանքերը:

Այս ֆարսի երկրորդ մասին՝ հարցուպատասխանին, մանրակրկիտ անդրադառնալու կարիք չկա, քանզի հնչել են կամ արդեն հայտնի ապուշությունների remix-ները կամ արտաթորած տեղեկատվական աղբը այնքան գարշահոտ է և տոքսիկ, որ, ինչպես ասում են, «наука здесь бессильна»:

նիկոլի երախից դուրս թռչող ստերը, կռուտիտները, մուտիտները ավելի մեծաթիվ էին, քան անգամ իմ բանտախցի բաց պատուհանից ներխուժող ճանճերի և մոծակների «շարասյունները»: Եվ նիկոլի դեպքում, ինչպես բզզացող և արյուն ծծող միջատների պարագայում, ճանճասպանով սատկացնելը էներգատար և ցածր արդյունավետություն ունեցող գործ է:

Թե առաջին, թե երկրորդ դեպքում ճանճասպանից ավելի ռադիկալ բան է պետք կիրառել՝ նիկոլի և բանտախցիս ճանճերի վերջը տալու համար: Հարկ է մաքրել միջավայրը, այդ թվում՝ ներկայիս կեղտոտ նիկոլական խոհանոցը, որպեսզի նիկոլի ստերը, բզզացող և համառ ճանճերի նման չբազմանան:

Արմեն Աշոտյան

27.06.2023թ.

«Նուբարաշեն» ՔԿՀ»։