Հայաստանի և Վրաստանի քաղաքացիներին հնարավորություն կընձեռվի երկուստեք սահմանները հատել ID քարտով
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Արտակարգ դեպք Քանաքեռում. այգում ծառի մի հատված պոկվել և ընկել է քաղաքացու գլխին
Թուրքիայի և Ադրբեջանի քանի՞ քաղաքացի է բնակարան ձեռք բերել Հայաստանում 2023 թվականին
Առաջնայինը քաղաքացու շահն է. պետք է քայլեր ձեռնարկել՝ վերացնելու տարիներով կուտակված աղբը
Ստորացման էտալոնը. «Կարճ ասած»
Ո՞ր երկրի քաղաքացիներ են արցախցիները. «Հրապարակ».
«Հայաստանի՝ Վրաստանի հետ հարաբերությունները մեր երկրի արտաքին քաղաքականության առաջնահերթություններից է»,-ասել է ՀՀ արտաքին գործերի նախարարի տեղակալ Մնացական Սաֆարյանը՝ հունիսի 26-ի ԱԺ արտահերթ նստաշրջանում քննարկման ներկայացնելով 2023 թվականի հունվարին ստորագրված ««Հայաստանի Հանրապետության եւ Վրաստանի միջեւ երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելու մասին» օրենքի նախագիծը: Նշվել է, որ համաձայնագիրը բխում է ՀՀ կառավարության 2021-26 թվականների ծրագրից:
Ըստ նրա՝ փաստաթղթով սահմանվում է, որ մի կողմի պետության քաղաքացիները՝ անկախ նրանց մշտական բնակության վայրից, իրավունք ունեն առանց մուտքի արտոնագրի մուտք գործելու, գտնվելու տարանցիկ երթեւեկելու, դուրս գալու մյուս կողմի պետության տարածքում՝ ընդունող պետության սահմանն անցնելու ամսաթվին հաջորդող ցանկացած հարյուր ութսուն օրվա ընթացքում 90 օրը չգերազանցող ժամանակահատվածով՝ Հայաստանի եւ Վրաստանի քաղաքացիների ինքնությունը եւ քաղաքացիությունը հաստատող փաստաթղթերի հիման վրա: Փոխնախարարը նաեւ տեղեկացրել է, որ վրացական կողմն արդեն վավերացրել է համաձայնագիրը:
Հարակից զեկուցող, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը, ներկայացնելով գլխադասային հանձնաժողովի դրական եզրակացությունը, փաստել է, որ մեր երկիրը կարեւորում է տարածաշրջանի երկրների հետ հարաբերությունների զարգացումը: Հանձնաժողովի նախագահը հատկապես ընդգծել է Վրաստանի հետ նպատակային, բարեկամական հարաբերությունների զարգացման անհրաժեշտությունը, ինչին էլ կնպաստի այս համաձայնագրի վավերացումը:
ԱԺ «Քաղաքացիական պայմանագի» խմբակցության պատգամավոր Շիրակ Թորոսյանը, կարեւորելով համաձայնագրի վավերացումը, նշել է, որ միայն իրական ջերմ բարեկամական հարաբերություններ ունեցող երկրներն են գնում նման քայլի: Ըստ նրա՝ Հայաստանի եւ Վրաստանի միջեւ հարաբերությունները գտնվում են ամենաբարձր մակարդակի վրա:
Խորհրդարանն ընդունել է օրենքի նախագիծը:
Հետևեք մեզ Facebook-ում