Բաքվի պատասխանը Փաշինյանին չուշացավ․ Ինչու սկսվեց 44-օրյա պատերազմը

«Հայկական կողմը պետք է դասեր քաղի իր պատմական սխալներից և հրաժարվի հետկոնֆլիկտային շրջանում խաղաղության գործընթացը հաջող ավարտին հասցնելուն խոչընդոտելու փորձերից»։

Այդ մասին ասվում է Ադրբեջանի ԱԳՆ-ի տարածած հայտարարության մեջ՝ ի պատասխան Նիկոլ Փաշինյանի երեկ հնչեցրած խոսքերի։

«Ինչ վերաբերում է այն պնդումներին, թե իբր Ադրբեջանը 2011 թվականից ի վեր սրել է իրավիճակը, սպառազինություն է կուտակել և սադրանքներ է արել, ապա մենք նշում ենք, որ Բաքուն ՄԱԿ-ի Անվտանգության խորհրդի և մի շարք այլ միջազգային կազմակերպությունների որոշումների և բանաձևերի հիման վրա ջանքեր է գործադրել բանակցությունների միջոցով վերադարձնելու իր տարածքները։

Բոլորին է հայտնի, որ տարիների ընթացքում Հայաստանի կողմից իրականացված ագրեսիայի և սադրանքի գործողությունները, այդ թվում՝ անձամբ վարչապետ Փաշինյանի կողմից 2018-2019 թվականներին դրսևորվող սադրիչ հռետորաբանությունը, չի նպաստել խաղաղությանը և 2020 թվականին հանգեցրել է պատերազմի»,- նշել են Ադրբեջանի ԱԳՆ-ում։