Թրամպը որոշում է կայացրել վերացնե՞լ Green Card -ի ծրագիրը

Նյույորքյան վերջին ահաբեկչությունից հետո ԱՄՆ նախագահ Դոնալդ Թրամպը հայտարարել է, որ սկսելու է գործընթաց` վերանայելու Green Card -ի ծրագիրը` նշելով, որ այս ծրագիրը ոչ մի օգուտ չի բերում Միացյալ Նահանգներին, փոխարենը երկիրը կարող է կանգնել անվտանգության լուրջ խնդիրների առջև:

Նշենք, որ տարեկան 55 000 մարդ այդ ծրագրի շրջանակներում շահում են` ԱՄՆ մեկնել, այնտեղ ապրելու և աշխատելու համար: Ըստ Թրամպի, այդ ծրագիրը պատահական մարդկանց է ընտրում, և որևէ լուրջ ընտրանք` որակյալ ռեսուրսներ հավաքելու համար, չկա, և չի բացառվում, որ այդ ծրագրով ներխուժեն նաև պոտենցիալ ահաբեկիչներ, ինչը ապացուցում է վերջին դեպքը: 

Նշենք, որ նյույորքյան վերջին ահաբեկչության հետևում կանգնած է եղել Ուզբեկստանի մի  քաղաքացի, ով հենց Green Card -ի ծրագրի միջոցով էր 2010 թվականին Ուզբեկստանից եկել Միացյալ Նահանգներ: 

Պետքարտուղարությունը արդեն հանդես է եկել պաշտոնական հայտարարությամբ, որ այս պահին Green Card -ի ծրագրի շրջանակներում ոչ մի փոփոխություն չկա, և մոտակա ժամանակներում չի նախատեսվում:

Zham.am