Նախագահականը դեռ 130 աշխատող էլ պետք է կրճատի
«ՀՀ 2018թ. պետական բյուջեի մասին» ՀՀ օրենքի նախագծի քննարկմանը «Ելք» խմբակցության պատգամավոր Էդմոն Մարուքյանը ՀՀ նախագահի աշխատակազմի ղեկավար Արմեն Գևորգյանից հետաքրքրվեց, թե ինչ է լինելու նախագահականի աշխատակիցների ճակատագիրը 2018 թվականին:
Արմեն Գևորգյանը պատասխանեց, թե այս տարի արդեն երկու անգամ նախագահականի աշխատողների թվաքանակի կրճատումներ են եղել, և դեռևս 120-130-ով աշխատակազմը պիտի նվազի։
Ըստ նրա՝ Սահմանադրության փոփոխության համաձայն փոփոխված լիազորություններով նախագահականի աշխատակիցների թիվը առավելագույնը 200 պետք է լինի, բայց դա էլ կարող է նվազել մինչև 180-ի:
«Ինչ վերաբերում է աշխատակիցների ապագային, մենք փորձում ենք թափուր կամ չօգտագործվող պաշտոնները կրճատել, այն աշխատակիցները, ովքեր գործող մասնագետներ են, տարիքից ելնելով լուծումներ են ընդունվում»,-նշեց նա:
Գևորգյանը հայտնեց, որ մի մասը կադրերի ռեզերվ է գնում, մի մասը թոշակի է անցել, ամեն դեպքում փորձում են որակյալ մասնագետներին աջակցել կամ օգնել, որ աշխատանքի անցնեն այս կամ այն պետական մարմիններում, որ չկորցնեն նման մասնագետներին:
Հետևեք մեզ Facebook-ում