Գնալու եմ, կանգնեմ Նժդեհի արձանի կողքը. թող ինձ էլ հետը հեռացնեն. Աշոտ Աղաբաբյան

«Ժամանակ» թերթը գրում է. «Եթե քննարկվի Նժդեհի արձանը հեռացնելու հարցը, գնալու եմ, կանգնեմ արձանի կողքը. թող ինձ էլ հետը հեռացնեն»,- «Ժամանակ»-ի հետ զրույցում նշեց ՀՀԿ-ական Աշոտ Աղաբաբյանը (Բուռնաշ)՝ անդրադառնալով ՌԴ Հանրային պալատի անդամ Սերգեյ Մարկովի հայտարարությանը, որ Գարեգին Նժդեհը «տեռորիստ», «ֆաշիստների հանցակից» է եւ Հայաստանից պետք է հեռացնել Նժդեհի արձանը:

«Հայկական կողմն ընդհանրապես պետք է բանի տեղ չդնի այս հայտարարությունը: Դրանք Ադրբեջանի եւ Թուրքիայի կողմից կաշառված տականքներ են: Նժդեհը եղել եւ մնացել է հայոց ազգի եւ՛ գաղափարախոսը, եւ՛ գործող սպարապետը, եւ Նժդեհի անվան հետ կապված ոչ ոք իրավունք չունի, ես դրանց համարում եմ հակահայկական ռուսներ, որոնց կարծիքը Հայաստանն ուղղակի պետք է արհամարհի»,- նշեց Աղաբաբյանը»:

Առավել մանրամասն՝ թերթի այսօրվա համարում