Ուժգին քամու պատճառով հսկա ծառը ընկելէ մեքենաների վրա. Լոռու մարզ

Այսօր՝ հոկտեմբերի 30-ին, արտակարգ դեպք է տեղի ունեցել Լոռու մարզում:

Ժամը 16:50-ի սահմաններում Արտակարգ իրավիճակների նախարարության փրկարար ծառայության օպերատիվ կենտրոն ահազանգ է ստացվել, որ Ալավերդի քաղաքի Բաղրամյան թաղամասի 4-րդ շենքի բակում ուժգին քամու հետևանքով հսկայական ծառը պոկվել և ընկել է նույն շենքի բնակիչներ, հայր և որդի՝ Ռազմիկ և Խաչատուր Կիրակոսյաններին պատկանող՝ BMW մակնիշի 35 SS 859 համարանիշի, BMW մակնիշի 07 UU 341 համարանիշի, BMW մակնիշի 35 PO 438 համարանիշի և BMW մակնիշի 29 UL 275 համարանիշի ավտոմեքենաների վրա:

Դեպքի վայր են ժամանել Արտակարգ իրավիճակների նախարարության փրկարար ծառայության թիվ 40 հրշեջ-փրկարարական ջոկատը՝ 1 մարտկան հաշվարկով՝ Ա. Համբարյանի գլխավորությամբ: Դեպքի վայր են ժամանել Ոստիկանության Թումանյանի բաժնի աշխատակիցները՝ բաժնի պետ Վահագն Մոսինյանի գլխավորությամբ: Ժամամնել են նաև «Հայաստանի էլեկտրական ցանցեր» ընկերության Թումանյանի մասնաճյուղի հերթապահ խումբը, քանի որ ծառի ընկնելու հետևանքով վնասվել է ոչ միայն շենքի տանիքը, այլ նաև հոսանքալարեր են պոկվել, ինչպես նաև վնասվել է շենքը մատակարարող գազախողովակը:

Ժամանել են նաև Ալավերդու քաղաքապետարանի կոմունալ ծառայության ներկայացուցիչները: Քաղաքապետարանի աշխատակիցները և հրշեջ-փրկարարները բենզասղոցի միջոցով կտրել են ծառը և հեռացրել մեքենայի վրայից:

Ուժգին քամու հետևանքով քաղաքի տարբեր հատվածներում գրանցվել են նմանատիպ դեպքեր:

Աղբյուրը` Shamshyan.com