Շատ գեղեցիկ ես, իմ կրտսեր հայ քույր. Շերի արձագանքը՝ Քիմ Քարդաշյանի հելոուինյան կոստյումին. Լուսանկարներ

Թեև Հելոուինը կամ Բոլոր սրբերի տոնը նշվում է հոկտեմբերի վերջին օրը, այնուհնադերձ արևմտյան շոու բիզնեսի աստղերն արդեն սկսել են թեմատիկ միջոցառումներին մասնակցել:

Ինչպես նշում է The Daily Mail-ը, նախահելոուինյան տրամադրությունն առաձնահատուկ բարձր է ամերիկյան հեռուստաստղ Քիմ Քարդաշյանի մոտ, որը հասցրել է արդեն մի քանի հանդերձ փոխել: Նա կրկնօրինակել է երգչուհի Մադոննայի՝ 1991թ. «Օսկար» կինոմրցանակաբաշխության օրվա կերպարը, մինչդեռ նրա ավագ քույրը Քորթնի Քարդաշյանը, ներկայացել է Մայքլ Ջեքսոնի կերպարով:

Նշվում է, որ դրանից հետո Քիմը զգեստափոխվել է ու ներկայացել հայազգի երգչուհի Շերլին Սարգսյանի երտասարդության կերպարով: Նրան ուղեկցել է մտերիմ ընկերը՝ Ջոնաթան Չիբանը, որը հագնված է եղել Շերի նախկին ամուսնու՝ Բոնոյի պես:

Քարդաշյանի ընտրությունն անտեսված չի մնացել Շերի կողմից, որը Twitter-ում գրել է. «Քիմ Քարդաշյան, արթնացա ու տեսա, որ դու ինձ պես ես հագնվել: Շատ գեղեցիկ ես, իմ կրտսեր հայ քույր»:

«Ես քեզ շատ եմ սիրում»,-պատասխանել է 37-ամյա Քարդաշյանը:

Այնուհետև Քիմը ներկայացել է 2001թ. ավիավթարի հետևանքով զոհված ամերիկացի երգչուհի Ալիյայի տեսքով:

Աղբյուրը` Tert.am