Իրանի ԱԳՆ-ն դատապարտել է Բլինքենի հայտարարությունները՝ խոստանալով ուժեղացնել զսպման միջոցները
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Դեպի Հայաստան և Երևանից որոշ չվերթներ կրկին չեղարկվել են
ՀՀ-ի հարավային շրջաններում բնական ռադիոակտիվ ֆոնի որևէ փոփոխություն չի արձանագրվել
Իրանը հայտարարել է, որ կշարունակի հարվածել Իսրայելին
Իրանը հայտարարել է, որ պատրաստ է հարվածել Իսրայելին պաշտպանող ցանկացած երկրի տարածաշրջանային բազաներին
Իսրայելը պատրաստ է Իրանի հետ լայնածավալ պատերազմի․ Նեթանյահուի գրասենյակ
Իրանի արտաքին գործերի նախարարության խոսնակ Նասեր Քանաանին դատապարտել է ԱՄՆ պետքարտուղար Էնթոնի Բլինքենի քննադատություններն Իրանի հասցեին և նշել, որ Թեհրանն առանց երկմտելու կուժեղացնի իր պաշտպանության և զսպման կարողությունները: Այս մասին հաղորդում է «Արմենպրես»-ը՝ վկայակոչելով իրանական Tasnim գործակալությունը:
«ԱՄՆ պետքարտուղարն անհիմն մեկնաբանություններ է արել Իրանի Իսլամական Հանրապետության դեմ՝ ապարտեիդ սիոնիստական վարչակարգին իր երկրի համակողմանի աջակցությանը համահունչ»,-ասել է Քանաանին՝ հիշեցնելով պաղեստինցի ժողովրդին Իրանի աջակցության մասին:
«ԱՄՆ-ի կողմից այլ կառավարությունների նկատմամբ ուժի դիմելու սպառնալիքը դեմ է միջազգային օրենքին, հատկապես՝ ՄԱԿ-ի կանոնադրությանը, հետևաբար, Իրանի Իսլամական Հանրապետությունը չի հապաղի ուժեղացնել իր զսպող ուժը և պաշտպանել իր իրավունքներն ու անվտանգությունը», -հավելել է Քանաանին՝ ԱՄՆ-ի պաշտոնյաներին խորհուրդ տալով «զերծ մնալ Իրանի դեմ անհիմն մեղադրանքներ հնչեցնելուց»:
Tasnim-ը նշում է, որ ԱՄՆ պետքարտուղար Էնթոնի Բլինքենը Վաշինգտոնում կայացած Հասարակական կապերի ամերիկա-իսրայելական կոմիտեի ամենամյա գագաթնաժողովում Իրանին մեղադրել էր միջուկային զենք ձեռք բերելու մտադրության մեջ և կրկնել իր սպառնալիքը Թեհրանի դեմ, որ արձագանքի բոլոր տարբերակները քննարկվում են:
Հետևեք մեզ Facebook-ում