Փաշինյանը, Միշելն ու Ալիևը կրկին կհանդիպեն․ հայտնի է օրը

Քիշնևում Փաշինյանի մասնակցությամբ հնգակողմ հանդիպումից հետո ԵԽ ղեկավար Շառլ Միշելը հայտարարել է նոր հանդիպման մասին․

Միշելի փոխանցմամբ՝ այն կկայանա հունիսի 21-ին՝ Բրյուսելում: 

Հիշեցնենք, որ այսօր Քիշնևում տեղի է ունեցել նաև Նիկոլ Փաշինյանի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի հնգակողմ հանդիպումը:

Հանդիպման ընթացքում քննարկվել են տարածաշրջանային տրանսպորտային և տնտեսական ենթակառուցվածքների ապաշրջափակմանը, երկու երկրների միջև սահմանազատման և սահմանային անվտանգության ապահովման աշխատանքներին, Հայաստանի և Ադրբեջանի միջև հարաբերությունների կարգավորման համաձայնագրին, Լեռնային Ղարաբաղի ժողովրդի իրավունքների և անվտանգության հասցեագրման անհրաժեշտությանը, ինչպես նաև գերիների, անհետ կորածների և այլ հումանիտար խնդիրներին վերաբերող հարցեր:

Zham.am