Համեցեք, ես իմ հանդիսատեսին հարգում եմ և արժևորում նրա ներկայությունը. Վահան Արծրունի

Երաժիշտ, երգարվեստի հայտնի ներկայացուցիչ Վահան Արծրունի իր ֆեյսբուքյան էջում գրել է.

«Դեռ սեպտեմբերի 28- ին, չկայացած համերգից մեկ օր շուտ, մեսինջեռով դիմել էի մշնախ մամլո խոսնակ Ռուզաննա Խաչատրյանին՝ ի պատասխան իր վիրավորական ստատուսին, դեմ առ դեմ հրապարակային հանդիպում-քննարկում ունենալու առաջարկով՝ անպատասխան։ Այնուհետև սեպտեմբերի 30-ին էլ անձնական նամակով դիմել եմ Արմեն Ամիրյանին հստակ, ողջամիտ լուծում գտնելու առաջարկով։ Պատասխանը խիստ չինովնիկական՝ դիմեք համապատասխան կարգով։ Հիմա երբ բանը բանից անցել է, իմ հայտարարությունը բացահայտել է բոլորի համար ակնհայտ իրականությունը, հանկարծ որոշել են 23 օր անց հրավիրել սուրճի՞։ Ուշ է կարծում եմ և քննարկելու բան էլ չմնաց։ 

Ներկայում իմ միակ հարաբերվելու ձևը նախարարի և այդ գերատեսչության մնացած աշխատակիցների հետ բեմից է իրատեսական՝ առաջիկա համերգի տոմսերը հասանելի և մատչելի են լինելու։ Համեցեք, ես իմ հանդիսատեսին հարգում եմ և արժևորում նրա ներկայությունը»։

Հիշեցնենք, որ  Վահան Արծրունին «Զվարթնոց»-ում «Մաշտոց-Կոմիտաս» խորագրով համերգով պետք է հանդես գար, սակայն համերգը չեղարկվել է` պատճառավանությամբ, որ տոմսերը ոչ բավարար քանակությամբ են վաճառվել  և եղանակային պայմանները բարենպաստ չեն:

/Թեմային անդրադարձել են Yerkir.am,  A1+ կայքերը/:

Zham.am