«Թուրքիան անպայման հարվածելու է Ռուսաստանին»

Թուրքական "Haber7.com" պարբերականը նշում է, որ թեև Ռուսաստանը Իրանի և Թուրքիայի հետ փորձում է կոորդինացված աշխատել Սիրիայում, այնուամենայնիվ, ռուսները փորձում են սեպարատ աշխատել նաև սիրիական քրդերի հետ` մոռանալով որ այսպես կոչված ինքնապաշտպանական ժողովրդական ջոկատները` YPG -ը Թուրքիայի բանվորական կուսակցության սիրիական բաժանմունքն է, որը Թուրքիայում համարվում է ահաբեկչական կազմակերպություն: Ըստ թուրք վերլուծաբանի, ռուսները դրա մասին շատ լավ գիտեն, սակայն անտեսում են Թուրքիայի շահերը: Ավելին, YPG -ը իր պաշտոնական ներկայացուցչությունն է բացել Մոսկվայում: Այս ամենը ցույց է տալիս, որ ռուսները երկակի խաղ են խաղում թուրքիայի հետ: Ընդ որում, ռուսները հատոևկ ջոկատայիններին են ուղարկել սիրիական Թել- Ռիֆատ քաղաք: Դա այն կետն է, որտեղ քրդերը ստանում են իրենց ողջ զենքն ու զինամթերքը և այստեղից աջակցում իրենց բոլոր խմբերին` ողջ Սիրիայով մեկ: Ապշել կարելի է, շարունակում է թուրք վերլուծաբանը, որ քրդերին աջակցում են նաև ամերիկացիները, այն նույն ամերիկացիները, որոնք փաստացի մերժեցին աջակցել ապստամբ մահմեդականներին` Սիրիայում, փաստացի հրաժարվել են սիրիական ազատ բանակից, և իրենց միակ աջակցությունը ստանում են նույն քրեդերը, որոնք փաստացի մահմեդական չեն, այլ` աթեիստներ, որոնք հաճույքով կարող են համագործակցել Ասադի փաստացի աթեիստական ռեժիմի հետ: Ըստ թուրք վերլուծաբանի, մի օր կարող է թուրքիայի համբերության բաժակը լցվել, և նա ստիպված հակահարված տա Ռուսաստանին, քանի որ չի կարող հանդուրժել իր սահմանակից տարածքներում քրդական ինքնավարության ձևավորումը, այն էլ` քրդական բանվորական կուսակցության կառավարմամբ:

Zham.am