«Ինտերը» պատրաստվում է նոր պայմանագիր առաջարկել Մխիթարյանին

Իտալիայի փոխչեմպիոն «Ինտերն» ընթացիկ մրցաշրջանի ավարտից հետո նոր պայմանագիր կառաջարկի Հենրիխ Մխիթարյանին, հայտնում է SempreInter-ը:

Միլանյան ակումբը պատրաստվում է նոր պայմանագրով 34-ամյա կիսապաշտպանի գործող պայմանագրի ժամկետը երկարաձգել մինչև 2025 թվականի հունիսի 30-ը: Մխիթարյանի գործող պայմանագիրը նախատեսված է մինչև 2024 թվականի հունիսի 30-ը:

Հայաստանի հավաքականի պատմության լավագույն ռմբարկուն ընթացիկ մրցաշրջանի մեկնարկից առաջ ազատ գործակալի կարգավիճակում տեղափոխվել էր «Ինտեր», որի կազմում մասնակցել է 47 հանդիպման, դարձել 5 գոլի և երկու գոլային փոխանցման հեղինակ:

Zham.am