Բիտկոյնի փոխարժեքը հասել է 6000 դոլարի

Բիտկոյնը կրիպտոարժույթ է, որը հավակնում է կատարել առանցքային դեր տնտեսության մեջ, ինչպես որ դոլարն է, եվրոն, յուանը և այլն: Սակայն ի տարբերություն այլ տարադրամների, այս կրիպտոարժույթը սրընթաց վերելք է ապրում: Ընդամենը 3 ամիս առաջ նրա արժեքը մոտ 3000 դոլարի էր հասնում: Սեպտեմբեր ամսին այն գերազանցեց արդեն 5000 դոլարի սահմանը:

Չինաստանի ֆինանսական իշխանությունների ջանքերով, երբ կրիպտոարժույթի գործունեությունն էապես կրճատվեց Չինաստանում, այն իջավ մինչև 4000 դոլարի, և շատերը կանխատեսում էին, որ Չինաստանի իշխանությունների ջանքերի արդյունքում բիտկոյնի առաջխաղացումը կկասեցվի: Սակայն այն ժամանակավոր բնույթ կրեց: Եվ ահա ընդամենը մեկ ամիս անց բիտկոյնն արձանագրում է նոր համաշխարհային ռեկորդ, մեկ բիտկոյնի արժեքը գերազանցեց 6 դոլարի սահմանը: 

եթե առաջատար երկրների կենտրոնական բանկերը ռադիկալ քայլերի չդիմեն, ապա չի բացառվում, որ բիտկոյնի արժեքը մինչև տարվա վերջ կհասնի 10 000 դոլարի: 

Բոլոր կանխատեսումնեերն այն մասին,. որ սա սպեկուլյատիվ գործընթաց է, և այն մի օր փլվելու է,  մասնակիորեն ճշմարտություն են, սակայն` մասնակիորեն, քանի որ բիտկոյնի ի հայտ գալը օբյեկտիվ պահանջ է դարձել այն բանի պատճառով, որ աշխարհի ֆինանսական շրջանակները երբեմն ոչ բնական սահմանափակումներ են զգում իրենց վրա` ազգային երկրների ֆինանսական իշխանությունների կողմից, որոնք ձգտում են շատ դեպքերում անտեղի սահմանափակումներ մտցնել ֆինանսական հոսքերի մեջ: 

Zham.am