Ի՞նչ է ասվում Մայիսի 13-ին Ցեղասպանության կանխարգելման Լեմկինի ինստիտուտի՝ Եվրոպական խորհրդի նախագահ Շառլ Միշելին ուղղված նամակում
Մայիսի 13-ին Ցեղասպանության կանխարգելման Լեմկինի ինստիտուտի՝ Եվրոպական խորհրդի նախագահ Շառլ Միշելին ուղղված նամակում ասվում է․
«Արևմտյան աշխարհը շարունակում է անտեսել Արցախի շրջափակումն ու Ադրբեջանի նախագահ Իլհամ Ալիևին գրեթե լիակատար անպատժելիություն է տալիս՝ վարվելու այնպես, ինչպես կկամենա 4000-ամյա բնիկ հայ համայնքի հետ, որը նախկինում երբեք չի եղել Ադրբեջանի տիրապետության տակ։ Եվրամիությունը, որը հպարտանում է իր անսասան նվիրվածությամբ և աջակցությամբ ժողովրդավարական երկրներին, ինչպիսին Հայաստանն է, աչք է փակում Ադրբեջանի բռնապետության վրա՝ աշխարհաքաղաքական և ռեսուրսային նկատառումներով։
Լեմկինի ինստիտուտը մտավախություն ունի, որ նման դիրքորոշմամբ (Եվրոպական միությունը) կհովանավորի Արցախի հայ բնակչության բռնի և «համակարգված» վերաբնակեցումը բուն Հայաստանում: Արցախահայության հարկադիր տեղափոխումը կլինի միջազգային հանրության ներկայիս իրավական կարգի հիմնարար հենասյուներից և հիմնարար իրավունքներից մեկի՝ ինքնորոշման իրավունքի խախտում․․․ Սա կարող է նաև ընկնել ցեղասպանության հանցագործության սահմանման տակ, քանի որ դա ենթադրում է այնպիսի միջոցների կիրառում, որոնք կհանգեցնեն երկրի բնիկ բնակչության ամբողջական ոչնչացմանը, որտեղ նրանք ստեղծել են իրենց մշակութային ինքնությունն ու ավանդույթները»։
Աղբյուր՝ «Հայկական ալիք»
Հետևեք մեզ Facebook-ում