Քիրկուկում հայերի կոտորած տեղի չի ունենա
Հոկտեմբերի 16-ին Իրաքի կառավարական ուժերը իրենց վերահսկողության տակ վերցրեցին թուրքմեններով և քրդերով բնակեցված Կիրկուկ քաղաքը: Քաղաքի գրավման գործողություններին մասնակցեցին նաև թուրքմենական զինված խմբավորումները:
Քիրկուկի գրավումից հետո քրդական մամուլում հայտնվեցին տեղեկություններ, որ Իրաքի ենթակայության տակ կռվող թուրքմենները քուրդ բնակչության կոտորած են իրականացնում քաղաքում: Իհարկե տարածվող տեղեկությունները չունեյին որևէ փաստարկված ապացույց:
Այս լուրերից հետո ֆեյսբուք սոցիալական ցանցի հայկական տիրույթում սկսեցին տարածվել տեղեկություններ, թե վտանգ կա, որ թուրքմենները կարող են հարձակումներ իրականացնել Քիկուկի փոքրաթիվ հայկական համայնքի նկատմամբ:
Իրականում հայերի նկատմամբ Քիրկուկում չի կարող որևէ ոտնձգություն իրականացվել: Նախ քաղաքում ռազմական բախումներ գրեթե տեղի չեն ունենում և քուրդ զինվորականները դուրս են եկել քաղաքից, իսկ Իրաքի կառավարական ուժերը մոտ օրերս դուրս կգան Քիրկուկից: Քաղաքը կապառազմականացվի:
Քաղաքը գրաված շիական ուժերը որևէ խնդիր չունեն հայկական համայնքի հետ, այդ ուժերը ինչպես հայտնի է գտնվում են Իրանի ուժեղ ազդեցության ներքո ու դժվար է պատկերացնել որ իրանցի հրամանատարները թույլ կտան իրենց ենթակայության տակ կռվող մարտիկներին ոտնձգութուն իրականացնել հայերի նկատմամբ:
Հետևեք մեզ Facebook-ում