Վաշինգտոնյան բանակցություններից հետո Փաշինյանը հաջորդ շաբաթ կմեկնի Մոսկվա

«Հաջորդ շաբաթ ես կմեկնեմ Մոսկվա». Այս մասին մայիսի 4-ին Պրահայի անդրատլանտյան հարաբերությունների կենտրոնում կայացած «Հայաստանի ժողովրդավարությունն անհանգիստ տարածաշրջանում. Անվտանգության ու կայունության կարիքները» խորագրով քննարկման շրջանակում հայտարարել է Նիկոլ Փաշինյանը։

Նա ընդգծել է, որ Միավորված ազգերի կազմակերպության Անվտանգության խորհուրդը դեռ պետք է քննարկի իրավիճակը Լեռնային Ղարաբաղում։ «Սակայն մենք դա չենք տեսնում։ Պետք է լուրջ քայլեր ձեռնարկվեին, ինչը չեղավ։ Բայց դա չի նշանակում, որ մենք չպետք է շարունակենք աշխատել ՄԱԿ-ի Անվտանգության խորհրդի անդամների հետ»,- ասել է նա։

Հիշեցնենք, որ այս շաբաթ՝ մայիսի 1-ից 4-ը Հայաստանի և Ադրբեջանի ԱԳ նախագահները բանակցությունների նոր մեծ փուլ են անցկացրել ԱՄՆ մայրաքաղաք Վաշինգտոնում։

Zham.am