Ինչպես են ընթանում ԱՄՆ-ում Հայաստանի ու Ադրբեջանի արտգործնախարարների բանակցությունները. Տեսանյութ
Վաշինգտոնում ավարտվել է Միրզոյան-Բլինքեն-Բայրամով հանդիպումը: Այս մասին տեղեկացնում է Արտաքին գործերի նախարարությունը:
«Մայիսի 1-ին ԱՄՆ մայրաքաղաք Վաշինգտոնում կայացել է ՀՀ ԱԳ նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բարյամովի հանդիպումը:
Քննարկվել են տարածաշրջանում ստեղծված անվտանգային իրավիճակի, Հայաստանի և Ադրբեջանի միջև հարաբերությունների կարգավորման գործընթացի հարցեր:
Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին»,- նշված է հաղորդագրությունում:
*****
ԱՄՆ պետքարտուղարության բարձրաստիճան պաշտոնյաները պատասխանել են լրագրողների հարցերին Վաշինգտոնում ընթացող Հայաստան-Ադրբեջան երկխոսության մասին․ մանրամասներն ավելի ուշ: Գրել է «Ամերիկայի Ձայնը»։
ԱՄՆ պետքարտուղարության բարձրաստիճան պաշտոնյաները հեռախոսային ճեպազրույցի ընթացքում պատասխանեցին լրագրողների հարցերին: Կովկասում բանակցությունների գծով ավագ խորհրդական Լուիս Բոնոն և փոխպետքարտուղարի տեղակալ Էրիկա Օլսոնն ընդգծեցին ԱՄՆ հանձնառությունը խաղաղ կարգավորմանը և տեղեկացրեցին, որ ընթացիկ շաբաթվա ընթացքում Հայաստանի ու Ադրբեջանի արտգործնախարարները հանդիպումների շարք կունենան Վաշինգտոնի շրջակայքում գտնվող Ջորջ Շուլցի անվան արտաքին գործերի ազգային ուսումնական կենտրոնում: Բոնոյի խոսքով՝ կողմերը խոստովանել են, որ սա առաջին անգամն է, որ նրանք հանդիպում են հաջորդաբար մի քանի օրվա ընթացքում: Նա շեշտեց՝ քննարկումներն ընթանում են շատ կառուցողական: Ամբողջական նյութն՝ ավելի ուշ:
Հետևեք մեզ Facebook-ում