«Կարծում եմ՝ թուրքական կամ ադրբեջանական պատվեր կարող է լինել». «Վրաստանի հայ համայնք» ՀԿ-ի նախագահ
«Վրաստանի հայ համայնք» ՀԿ-ի նախագահ Արթուր Միրզոյանը կարծում է, որ ապրիլի 21-ին իրեն ծեծի ենթարկողները կարող է թուրքական կամ ադրբեջանական պատվեր լինել: NEWS.am-ի հետ զրուցում նա ասաց, որ միջադեպի հետ կապված որեւէ նորություն դեռ չկա, իրավապահները դեռ չեն հայտնաբերել իրեն ծծեի ենթարկողներին:
«Կարծում եմ՝ թուրքական կամ ադրբեջանական պատվեր կարող է լինել, գորշ գայլերի: Սակայն այլ ուժի բացահայտ մեղադրել, առաց փաստեր ունենալու չեմ կարող, ճիշտ չեմ գտնում»,- ասաց նա:
Հիշեցնենք՝ ապրիլի 21-ի երեկոյան «Վրաստանի հայ համայնք» ՀԿ-ի նախագահ Արթուր Միրզոյանին Թբիլիսիում ծեծի են ենթարկել դիմակավորված անձինք:
Միրզոյանը դեպքից անմիջապես հետո տեսանյութ է տարածել՝ պատմելով պատահարի մասին: Նրա խոսքով, գրասենյակից տուն գնալու ճանապարհին իր վրա հարձակվել են դիմակավորված երեք հոգի, ծեծի ենթարկել ու հեռախոսով նկարել:
«Նրանցից մեկը հեռախոսով նկարում էր, երկուսը մոտեցան ինձ՝ համոզվելու համար, որ Արթուրն եմ: Փորձեցի հեռանալ, բայց հարձակվեցին, ընկա գետնին, հարվածեցին մարմնիս, գլխիս, մի քանի տեղ վնասվածքներ ունեմ»,- պատմել է Արթուր Միրզոյանն ու հավելել, որ աղմուկից հետո անհայտ անձինք կոտրել են իր հեռախոսը, պատռել հագուստը և փախել դեպքի վայրից:
Հետևեք մեզ Facebook-ում