Թուրքիան արձագանքել է Երևանում տեղադրված «Նեմեսիս» հուշարձանի բացմանը
Թուրքիան արձագանքել է Երևանում տեղադրված աղբյուր–հուշակոթողին, որի վրա գրված են Հայոց ցեղասպանությունը կազմակերպած և իրականացրած երիտթուրքերի պարագլուխներից, ինչպես նաև 1918թ. Բաքվի հայերի ջարդի կազմակերպիչներից վրեժ լուծած հերոսների անունները։
Հիշեցնենք, որ օրերս Երևանի կենտրոնում` Օղակաձև զբոսայգու 4-րդ հատվածում, «Նեմեսիս» գործողության հերոսների հիշատակը հավերժացնող աղբյուր–հուշակոթող է բացվել։ Թուրքիայի ԱԳՆ-ն դատապարտել է այս քայլը՝ այն որակելով «սադրիչ», հայտնում է «Անադոլու» գործակալությունը:
«Նման սադրիչ քայլերը, որոնք չեն համապատասխանում Թուրքիայի և Հայաստանի միջև հարաբերությունների կարգավորման գործընթացի ոգուն, ոչ մի կերպ չեն նպաստի տարածաշրջանում կայուն և տևական խաղաղության և կայունության հաստատման ջանքերին։ Ընդհակառակը, դրանք բացասաբար կանդրադառնան կարգավորման գործընթացի վրա»,- զգուշացրել է Թուրքիայի ԱԳՆ-ն։
Հետևեք մեզ Facebook-ում