Հայերը, հրեաները և վրացիները իրար հետ պայքարում են, թե ով կարող է համարվել իսկական ուկրաինացի. Տեսանյութ

Երեկ Կիևում անցկացվեց ազգայնականների հանրահավաք, որը կազմակերպել էր "Աջ սեկտորը" և "Ազատություն" կուսակցությունը: Իրենց կարգախոսներով հանրահավաքը ուղղված էր Ռուսաստանի, Լեհաստանի, Հունգարիայի և Ռումինիայի դեմ, սակայն դրանք երևացող կարգախոսներն էին: Իրականում այս հանրահավաքն ուղղված էր Տիմոշենկոյի, Սահակաշվիլիի և Ավագովի դեմ: Ուկրաինացի դիտորդների կարծիքով այս ազգայնականներին հովանավորում է նախագահ Պորոշենկոն: Ավելին, հենց ինքը Պորոշենկոն էլ հռչակել է հոկտեմբերի 14-ը` Ուկրաինացի հայրենասերների և ազգայնականների օր:

Հետաքրքիր է, որ հանրահավաքի կարգախոսներից նորույթն այն էր, որ ազգայնականներն արդեն բացեիբաց քննադատում են ներքին գործերի նախարար Ավագովին, ով համարվում է իշխանության ներսում Պորոշենկոյի գլխավոր մրցակիցը: Ինչպես նշեցինք, իշխանությունից դուրս Պորոշենկոյի գլխավոր մրցակիցներն են Սահակաշվիլին և Տիմոշենկոն, ովքեր պատրաստվում են հոկտեմբերի 17-ին Կիևում սկսել նոր մայդան` Պորոշենկոյին իշխանությունից հեռացնելու համար: Եվ ահա այս պայմաններում Պորոշենկոն փորձում է խաղարկել, այսպես կոչված, մաքուր ազգայնականների խաղաթուղթը` "փրփուրներից կախվելով": Հենց դրա պատճառով էլ նա "լեզվի մասին" ընդունեց մի օրենք, որը խիստ դժգոհությաուն առաջացրեց ոչ միայն Ռուսաստանում, այլև Ռումինիայում, Լեհաստանում և հատկապես Հունգարիայում: Այս օրենքի միջոցով Պորոշենկոն փորձում է իր շուրջ համախմբել, այսպես կոչված, "զտարյուն ուկրաինացիներին", որոնք բացեիբաց խոսում են այն մասին, որ չի կարող ազգությամբ վրացին ղեկավարել Ուկրաինայում օպոզիցիոն շարժումը, ձեռքի հետ մեղադրում են Տիմոշենկոյին, որ նա էր Պուտինի հետ կնքել  գազային պայմանագրերը, նշելով նաև, որ Տիմոշենկոն ազգությամբ հրեա է, ոչ թե ուկրաինավի, ում իսկական ազգանունը Գրիգիան է, իսկ Տիմոշենկո ազգանունը վերցրել է ամուսնուց:

Նույն շրջանակները մեղադրում են նաև Ավագովին, ասելով որ Բաքվում ծնված հայ գործիչը նույնպես չի կարող հավակնել նախագահի պաշտոնին: Փաստացի, Պորոշենկոն իր հակառակորդների դեմ փորձում է աշխատացնել նրանց զտարյուն ուկրաինացի չլինելու խաղաթուղթը, ինչը խիստ վտանգավոր է նաև իր համար, քանի որ իրար չսիրող վրացի Սահակաշվիլին և հայ Ավագովը հիշեցնում են նույն ուկրաինացիներին, որ Պորոշենկոն նույնպես զտարյուն ուկրաինացի չէ, այլ ծագումով հրեա է, և նրա իսկական ազգանունը Վայլցման է, և ուրեմն նախագահ Վայլցմանը իրավունք չունի իր հակառակորդներին մեղադրանքներ ներկայացնել այս հարցում:

Փաստորեն ստացվում է, որ Ուկրաինայի հիմնական խաղացողները իսկական զտարյուն ուկրաինացիներ չեն, պարզապես հրեա Վայլցմանը պայքարում է հայ Ավագովի, վրացի Սահակաշվիլիի և կիսահրեա Գրիգիան Տիմոշենկոյի դեմ, իսկ բուն ուկրաինացիները պարզապես մանրադրամի դեր են կատարում հրեաների, հայերի և վրացիների ձեռքում: 

Ցավոք, նրանք մանրադրամի դեր են կատարում ոչ միայն ներուկրաինական հարաբերությունների դեպքում, այլև Ուկրաինայից դուրս, քանի որ Ուկրաինայի կոնֆլիկտի հիմնական բախումը դա հիմնականում բախում է Ռուսաստանի, Միացյալ Նահանգների և Եվրոպայի միջև: Եվ մինչև չծնվի նոր, իսկական ազգային դեմոկրատական վերնախավ, այդ երկիրն իրավամբ չի հանգստանա, այլ կշարունակի մանրադրամի դեր կատարել հրեաների, հայերի, վրացիների, գերմանացիների, ռուսների, լեհերի և ամերիկացիների ձեռքում:

Հակոբ Կարապետյան