Հայաստանի հետ ամեն քայլը համաձայնեցնում ենք Ադրբեջանի հետ. Չավուշօղլու

Թուրքիայի ԱԳ նախարար Մեւլութ Չավուշօղլուն խոսել է հայ–թուրքական հարաբերությունների կարգավորումից։

Թուրքական A Haber հեռուստաընկերության եթերում Մեւլութ Չավուշօղլուն հայտնել է, թե դեռ վաղ է խոսել Հայաստանում եւ Թուրքիայում դեսպանատների հիմնումից։ Նա հիշեցրել է, որ երկրաշարժից հետո Հայաստանի հետ ցամաքային սահմանը օգնության համար բացվեց, սակայն ցամաքային սահմանների բացումը կախված է քաղաքական պայմաններից։

«Բացի դա ցամաքային սահմանները սպասարկող ճանապարհները անհրաժեշտ է վերանորոգել։ Գիտեք, որ Հայաստանի եւ Թուրքիայի միջեւ կա պատմական Մետաքսի ճանապարհի կամուրջը, որի վերանորոգման համար երկկողմ համաձայնության ենք հասել»,–ասել է Չավուշղօլուն՝ կրկին հիշեցնելով, որ Հայաստանի հետ ամեն քայլ Թուրքիան համաձայնեցնում է Ադրբեջանի հետ։

Աղբյուրը՝ news.am