Իրավապահ համակարգի անգործության և երկակի ստանդարտներով առաջնորդվելու հետևանքն է (լուսանկար, տեսանյութ)

Հիշեցման կարգով. այսօրվա նույն իրավապահ մարմինների ղեկավարները, համանման փաստական տվյալների առկայության ժամանակ ՀՅԴ երիտասարդների նկատմամբ իշխանական պատգամավորների գործադրած բռնության դեպքերով (Գերասիմ Վարդանյան, Տարոն Ղազարյան-Հրաչյա Հակոբյան, մի խումբ ՔՊ-ականներ) երբ կրկին կար մարմնական վնասվածքների փաստը, պատգամավորների նկատմամբ հարկադրանքի միջոց չեն ձեռնարկել։

Ի դեպ, քրեական գործը մինչ օրս հարուցված է, բայց երկակի ստանդարտը պահանջում է, որ ոչ մի ՔՊ-ական պատգամավոր մեղադրյալ չդառնա:

Իրավապահ համակարգի անգործության և երկակի ստանդարտներով առաջնորդվելու հետևանքն է նաև, երբ տուռնիկի մեծ «սիրահար» Վահագն Ալեքսանյանը, երբ բոլորի աչքի առաջ (ԱԺ նիստը հեռարձակվել է, կադրերը կան) հարվածել էր ընդդիմադիր պատգամավորին, դրան չհետևեց ոչ մի իրավական գործընթաց, իսկ այսօր ՔՊ-ական մեկ այլ պատգամավոր հայտարարում է, թե լավ են արել։

Հ.Գ Տեսանյությում երևում է, թե ինչպես բազմաթիվ բարձրաստիճան և շարքային ոստիկաններ անհամաչափ ուժի գործադրմամբ ԱԺ-ից բերման են ենթարկում Մհեր Սահակյանին։

Ագնեսա Խամոյանի ֆեյսբուքյան էջից