Հայաստանից ուղարկված օգնությունը հասել է Թուրքիա, դատարկվել ու տեղավորվել է պահեստում։ Այս մասին հայտնում է 1lurer.am-ը: Հիշեցնենք, որ Հայաստանը մարդասիրական օգնություն էր ուղարկել Թուրքիա, երկրաշարժից տուժած շրջաններին օգնություն տրամադրելու համար։ Բեռնատարները Թուրքիայի տարածք անցել են երկու երկրների միջև գտնվող Մարգարա կամրջով, որը 1993 թվականից ի վեր՝ շուրջ 30 տարի, չէր օգտագործվել:

Գերծանրաբեռնվածությունը շղթայական վթարների է հանգեցնում. «Արցախէներգոն» հորդորում է խնայողաբաը օգտագործել էլեկտրաէներգիան: 

Ստեփանակերտի մի շարք հատվածներում շղթայական վթարներ են' կապված գերծանրաբեռնվածության հետ: Այս մասին հայտնում են «Արցախէներգո» ընկերությունից` հորդորելով մայրաքաղաքի բաժանորդներին՝ հնարավորին տնտեսել էլեկտրաէներգիան, հակառակ դեպքում՝ առաջանում են լուրջ խնդիրներ։

«Այս արագությամբ աճող վթարների քանակը ուղղակի անհնարին է դարձնում գոնե հովհարային ժամանակացույցով էլեկտրաէներգիայի մատակարարումը»,- նշված է ընկերության տարածած հայտարարության մեջ: