Կպատժի՞ Պուտինը Ալիևին Յալթայում տեղի ունեցած միջազգային կոնֆերանսին մասնակցել է «Մայր Հայաստանի» ներկայացուցիչը․ «Ցայգ» ՀԸ անդրադարձը Եկեղեցին չպետք է տրվի սադրանքի, մտնի ատելության դաշտ. Ստեփան Դանիելյան (տեսանյութ)
12
Մեծ շքախմբով Փաշինյանը մտնելու է Ավինյանի հետևից․ Գևորգ Ստեփանյան (տեսանյութ) Ի դեպ, նկատել եք, որ նախաձեռնողների թիրախավորումից դուրս են մնացել ՔՊ պատգամավորներն ու «անկախները» ՆԱՏՕ–ն ոչ մի լավ բան չի խոստանում Հարավային Կովկասի անվտանգության համար․ Զախարովա (տեսանյութ) Իշխան Սաղաթելյանի ճեպազրույցը` իմպիչմենթի հարցով քննարկումից հետո (տեսանյութ) Դատապարտում ենք ՀՀ իշխանությունների կողմից կազմակերպված հարձակումը Կաթողիկոսի և Եկեղեցու վրա․ Սինջար եզդիների ազգային միավորում Հավատում ենք՝ ձեզ հետ միասին, առանց ընդվզումների պիտի կարողանանք հաղթահարել այս դժվարությունը. Վեհափառ (տեսանյութ) Հազարավոր քաղաքացիներ շունչները պահած լսեցին Ամենայն Հայոց Կաթողիկոսի հորդորը Քաղաքացիները հավաքվել են օդանավակայանում՝ դիմավորելու Կաթողիկոսին Իր ընտանիքի հարցն է․ Ի՞նչ է ասել Նիկոլն իր թիմակիցներին եկեղեցու հարցով․ Երվանդ Բոզոյան (տեսանյութ) Հայ առաքելական եկեղեցին ունի ավելի շատ պաշտպաններ, քան որևէ մեկը կարող է պատկերացնել. Իշխան Սաղաթելյան Պատերազմ Արցախում
Ավինյանի ասած թվերը կեղծ են (տեսանյութ) ՀՀ-ն Նարեկ Մանթաշյանին կվճարի փոխհատուցում․ Ալեքսանդր Կոչուբաև Փաշինյանը գիժ չի խաղում․ նա իրականում հոգեկան խնդիր ունի․ «գժի թուղթ» ունեցողը չպետք է պաշտոն զբաղեցնի Ստի ու խաբեության արդյունքը (տեսանյութ) Մանկական երկաթուղին դարձել է ավերակ․ վարձակալը 10 տարի ոչինչ չի անում․ Արշակ Սարգսյան (տեսանյութ) Ստացվեց 34 անբավարար թիվը, և ի՞նչ «Խստօրէն դատապարտելով այս եղկելի յայտարարութիւնները, մեր ամբողջական զօրակցութիւնն ենք յայտնում Հայ Առաքելական Սուրբ Եկեղեցուն, Ամենայն հայոց Ն.Ս.Օ.Տ.Տ. Գարեգին Բ կաթողիկոսին եւ Եկեղեցու միւս բոլոր սպասաւորներին» Մեծ շքախմբով Փաշինյանը մտնելու է Ավինյանի հետևից․ Գևորգ Ստեփանյան (տեսանյութ) Ամերիաբանկը միացել է Մոսկվայում առաջին անգամ անցկացվող TOON EXPO-ին Ու էսքանից հետո զարմանում եք, որ էս օրին ե՞նք․ «Կարճ ասած» Ի դեպ, նկատել եք, որ նախաձեռնողների թիրախավորումից դուրս են մնացել ՔՊ պատգամավորներն ու «անկախները» CCAF-ը խստորեն դատապարտում է այս անընդունելի ճնշումները, որոնք հակասում են Եկեղեցու և Պետության բաժանման հիմնարար սկզբունքին Վարչախումբը հոգեվարքի մեջ է. Վահագն Մելիքյան Կպատժի՞ Պուտինը Ալիևին Ճամբարակում տեղի ունեցած պшյթյnւնի հետևանքով զnhերի թիվը հասել է չորսի ՆԱՏՕ–ն ոչ մի լավ բան չի խոստանում Հարավային Կովկասի անվտանգության համար․ Զախարովա (տեսանյութ) Հուսով ենք՝ Բաքուն և Երևանը կհասկանան ագրեսիվ դաշինքների հետ փոխգործակցության խորացման ռիսկերը․ Զախարովա Փաշազադեի հանդեպ դրական վերաբերմունք ունի ադրբեջանցիների միայն 0,22%-ը․ Արտյոմ Տոնոյան Իշխան Սաղաթելյանի ճեպազրույցը` իմպիչմենթի հարցով քննարկումից հետո (տեսանյութ) Պրեմիերա. Սիլվա Հակոբյան- «Իմ սիրուն աղջիկ» ՀՀ մաքսային ծառայությունը նպատակահարմար չի համարել հայկական բեռնատարների՝ հայ-վրացական սահմանի հատումը. ՊԵԿ Հոսպիտալացվածների թիվը հասել է 11-ի Ապահովագրական ընկերությունները հրաժարվում են գյուղատնտեսների հետ պայմանագրեր կնքել․ Գառնիկ Դանիելյան Հունիսի 12-ին տեղ տեղի է ունենալու Վաղարշապատ համայնքի ղեկավարի արտահերթ ընտրությունները․ Սևակ Խաչատրյան Դատապարտում ենք ՀՀ իշխանությունների կողմից կազմակերպված հարձակումը Կաթողիկոսի և Եկեղեցու վրա․ Սինջար եզդիների ազգային միավորում Նոր Հայաստան, նոր երանիներ Ո՞ր ժողովրդին նկատի ունեն իրենք... Ստեփան Դանիելյան Նիկոլ Փաշինյանը 6 միլիոն դրամ նվիրատվություն է ստացել Աննա Հակոբյանից Ճամբարակում զոհերի թիվը հասել է 3-ի Բրյուսովի անվան համալսարանի դասախոս Էռնեստ Ավանեսովին ազատել են աշխատանքից

Պատգամավոր Հրաչյա Հակոբյանի «թավշյա» խրոնիկան. Տեսանյութ

Օրեր առաջ հրապարակվել է «Transparency International» կազմակերպության կոռուպցիայի ընկալման ցուցիչը 2022 թվականի զեկույցը, համաձայն զեկույցի՝ Հայաստանի Հանրապետությունն այս վարկանիշում նահանջ է գրանցել: Նահանջը սպասելի էր, որովհետև «լափելն ու կոռուպցիան» հեղափոխական դրոշակ դարձրածները իշխանության գալուց կարճ ժամանակ անց՝ հայտնվեցին այս կամ այն կոռուպցիոն սկանդալի մեջ:

«Ոչ մի բան հնարավոր չէ թաքցնել: Պարոն Միրզոյանը լրացնելու է հայտարարագիրը… բոլորն էլ կտեսնեն այդ հայտարարագիրը: Կտեսնեն, օրինակ, թե որքա՞ն վարկ է վերցրել բանկից, այդ գույքը ձեռք բերելու համար: Ես ինքս վարկ եմ վերցնում, որպեսզի, օրինակ, առանձնատուն գնեմ Ձորաղբյուրում, նույն միջոցով հնարավոր է Արարատ Միրզոյանը ձեռք է բերել գույք, ու հիմա ներկայացվում է՝ նա այսքան գումարով առանձնատուն է ձեռք բերել, այնինչ, դեռ վաղ է քննադատության համար»,-Նիկոլ Փաշինյանի աներձագ, իշխանական պատգամավոր Հրաչյա Հակոբյանն օրերս այսպես է արձագանքել իշխանության մեկ այլ վառ ներկայացուցիչ Արարատ Միրզոյանի՝ 280 հազար դոլարանոց առանձնատան մասին լրագրողի հարցին:

Ինչ խոսք, չի կարելի չհամաձայնել պատգամավոր Հակոբյանի հետ. ակնհայտ բաները թաքցնել հնարավոր չէ, և քանի որ այդպես է, փոքրիկ խճանկար՝ նաև Հրաչյա Հակոբյանի թավշյա ձեռքբերումների մասին:

Երբ Հրաչյա Հակոբյանը դերասանական կարիերայից հեղափոխական հզոր քայլերով անցում էր կատարում ՀՀ ԱԺ պատգամավորի պաշտոնին, նա հայտարարագրել էր ընդամենը 1 հողամաս և 2 բնակարան՝ բազմաբնակարան շենքում, նաև 2 ավտոմեքենա՝ BMW X5 և ISUZU AXIOM 3.5 I մակնիշների։ Հատկանշական է, որ նրա հայտարարագրում այդ ժամանակ չկային ոչ դրամական միջոցներ, և ոչ էլ եկամուտներ, միայն ներդրումներ՝ Array ընկերությունում։

Արդեն 2018թ․ տարեկան հայտարարագրից պարզ է դառնում, որ նա օտարել է իրեն պատկանող 2 ավտոմեքենաները և ձեռք բերել HYUNDAI SONATA 2.4 մակնիշի ավտոմեքենա՝ 2 միլիոն 800 հազար դրամով։

Հակոբյանն այս հայտարարագրում արդեն տեղեկություններ է ներկայացրել եկամուտների վերաբերյալ, որոնք կազմել են շուրջ 8,5 միլիոն դրամ, որից 4,5 միլիոն դրամը՝ աշխատավարձ, իսկ մնացածը՝ մեքենաների վաճառքից ստացված գումար։

2019 թվականի հայտարարագրում Հրաչյա Հակոբյանի հողամասերին ավելանում է ևս մեկը: Բանկային հաշիվների մնացորդները եթե տարեսկզբում շուրջ 1 միլիոն 971 հազար դրամի չափով էին, ապա տարեվերջում՝ գերազանցում էին 3 միլիոնը, ինչպես նաև՝ ավելացել էր շուրջ 2000 եվրո և 4000 ԱՄՆ դոլար: Աշխատավարձի չափն էլ՝ 9 միլիոն դրամ:

2020թ․ տարեկան հայտարարագրում Փաշինյան և Հակոբյան զույգի բարեկամը արդեն նշել է, որ միանձնյա սեփականության իրավունքով ձեռք է բերել առանձնատուն Ձորաղբյուրում՝ 12,5 միլիոն դրամով:

Իսկ HYUNDAI SONATA-ն փոխարինել է առավել նոր ու թանկարժեք HONDA CR-V 2.4 մակնիշի ավտոմեքենայով, որը ձեռք է բերել 7,5 միլիոն դրամով։

2021թ․ տարեկան հայտարարագրից պարզ է դառնում, որ Հակոբյանն այս անգամ Ձորաղբյուրում միանձնյա սեփականության իրավունքով 6 միլիոն 264 հազար դրամով ամառանոց է ձեռք բերել. փաստորեն, Ձորաղբյուրում առանձնատնից բացի, նորաթուխ պատգամավորը նաև ամառանոց ունի։

Այդ հայտարարագրում առկա է նաև պարտավորություն վարկի տեսքով՝ 11% տոկոսադրույքով՝ 13,5 միլիոն դրամ մայր գումարի մնացորդով։

Հակոբյանը 2021 թվականի տարեսկզբին ունեցել է 2,9 միլիոն դրամ և 2 հազար եվրո անկանխիկ և 890 հազար դրամ կանխիկ միջոցներ, իսկ տարեվերջին՝ 7 միլիոն դրամ և 2 հազար եվրո անկանխիկ և 345 հազար դրամ կանխիկ միջոցներ։ Ահա թե ինչպես է փոխվել Նիկոլ Փաշինյանի աներձագ, իշխանական պատգամավոր Հրաչյա Հակոբյանի կյանքը թավշյա իրադարձություններից հետո:

Համացանցը, լրատվամիջոցներն ու Հակոբյանը

Հիշեցնենք՝ դեռ 2020 թվականին ռուսաստանյան աղբյուրները հայտնել էին, որ ՌԴ մաքսային ծառայության աշխատակիցները Կրասնոդարի օդանավակայանում առգրավել են մաքսանենգ ծխախոտի 2700 տուփ, և տարբեր ապրանքանիշերի տուփերի վրա հայկական ակցիզ է եղել:

Ըստ հաղորդագրությունների` ապրանքը Կրասնոդարի և Դուշանբեի կանգառներով Հայաստանից Աֆղանստան էր տարվում։ Ընդ որում` նշվում էր, որ տրանզիտային օդանավը պատկանում է ՀՀ ԱԻ նախարարությանը։ Հայաստանյան լրատվամիջոցները տևական ժամանակ փորձում էին պարզել, թե ում է պատկանում մաքսանենգ ուղեբեռը. Տարբեր լրատվամիջոցներում շոշափվում էին Նիկոլ Փաշինյանի կնոջ եղբոր՝ պատգամավոր Հրաչյա Հակոբյանի, ՊԵԿ փոխնախագահներ Ռաֆիկ Մաշադյանի ու Շուշանիկ Ներսիսյանի, «Զվարթնոց» օդանավակայանի (արևմտյան մաքսատուն) պետ Տիգրան Զաքարյանի, ինչպես նաև «Արմենիան Տոբակո Քոմփանի» ՍՊԸ սեփականատեր, ՊԵԿ նախկին նախագահ Վարդան Հարությունյանի անունները: Աղմկահարույց թեմային անդրադարձել էր նաև ՀՀ երրորդ նախագահի փեսա, Վատիկանում ՀՀ նախկին դեսպան Միքայել Մինասյանը` ասելով, որ ծխախոտի այդ խմբաքանակը Երևանում գնել է Նիկոլ Փաշինյանի եղբորորդին՝ «Իմ քայլի» պատգամավոր Սիփան Փաշինյանը՝ այն մաքսանենգ ճանապարհով ՌԴ արտահանելու ու այնտեղ վաճառելու նպատակով:

«Նիկոլ Փաշինյանն, ըստ օպերատիվ տվյալների, ունի ուղիղ կապ, որովհետև Սիփան Փաշինյանը կազմակերպում է ՀՀ-ում այդ բիզնեսը, գնում է այդ ծխախոտների քանակը և որոշում է արտահանել, որովհետև ունեն հնարավորություն ՌԴ-ում վաճառելու: Սիփանը երբ սկսում է դա կազմակերպել, հասկանում է, որ չի կարող շրջանցել «ամենայն հայոց աներձագին», որովհետև Աննա Հակոբյանն է այն մարդը, որը որոշում է՝ ով և ինչ պետք է անի մաքսային տեսչությունում, որովհետև նա այնտեղ ունի դրածո՝ Շուշաննա Ներսիսյանը, որն ավելի հայտնի է «Նակոլկա Շուշո» մականունով: Եվ ուրեմն, դիմում են Հրաչյա Հակոբյանին, նա համաձայնեցնում է Աննայի հետ, նա զանգահարում է, և կանաչ լույսերը վառվում են․ կարանտինի պայմաններում մի ամբողջ ինքնաթիռ մաքսանենգ ապրանքով մեկնում է ՀՀ-ից»,- ասել էր Միքայել Մինասյանը:

«Հետքը» դեռ նախորդ տարի ապրիլին ուշադրություն էր հրավիրել հայտարարագրերի ռեեստրում Հրաչյա Հակոբյանի կողմից մի քանի շրջանցումների մասին. պարզել, որ Հակոբյանն իր մոր՝ Կիմա Մկրտչյանի բաժնեմասերը չի հայտարարագրել հայտարարագրերի «շահերի հայտարարագիր» բաժնում: Պատգամավորը հավանաբար մոռացել է նշել, որ իր մայրը փայատեր է երկու՝ «Դարեսկիզբ» և «Նիկան հրատարակչություն» ՍՊԸ-ներում:

Հետքը նաև տեղեկացրել էր, որ ՔՊ-ական պատգամավորը ևս ընկերություն ունի. «Բ26» ՍՊԸ-ն (հիմնադրվել է 2017-ի հուլիսին), որը զբաղվում էր հանրային սննդի կազմակերպմամբ։ Դրա գործունեությունը ներկայում ժամանակավոր դադարեցված է, սակայն ՍՊԸ-ն լուծարված չէ: Հակոբյանը «Բ26»-ում ունեցած 100 % բաժնեմասը ներկայացրել է միայն «բաժնային արժեթղթեր և այլ ներդրումներ» բաժնում, իսկ «շահերի հայտարարագիր» հատվածում այդ մասին (ինչպես մոր ունեցած բաժնեմասերի) որևէ նշում չկա: Հրաչյա Հակոբյանը նաև թանկարժեք հանգստի սիրահար է 2021 թվականին համացանցում կադրեր էին հայտնվել, որտեղ երևում է, թե ինչպես են Ազգային ժողովի նախագահ Ալեն Սիմոնյանը, նրա կինն ու իշխող խմբակցության պատգամավորներ Էդուարդ Աղաջանյանն ու Հրաչյա Հակոբյանը սեպտեմբերի սկզբին ժամանակ անցկացրել գերթանկարժեք ծառայություններով հայտնի հունական կղզիներից մեկում գործարար, «Վիվառո» բուքմեյքերական ընկերության հիմնադիր Վիգեն Բադալյանի հետ:

Ընդ որում, հիշեցնենք՝ սա 44-օրյա պատերազմից մեկ տարի անց էր: Իսկ 2022 թվականին 168.am-ը անդրադարձել էր պատգամավոր Հակոբյանի հանգստի մեկ այլ դրվագի. Երբեմնի օրավարձով աշխատող սերիալային դերասանը երեխաների հետ հանգստանում էր ԱՄՆ Կալիֆոռնիայի նահանգի Սան-Դիեգոյի բարձրակարգ հյուրանոցներից մեկում՝ «Hyatt Regency Mission Bay Spa and Marina»-ում: Այս հյուրանոցում Հրաչյա Հակոբյանի կեցության սենյակների միջին արժեքը, ներառյալ հարկերը, տատանվում են 220 000-400 000-ի սահմաններում մեկ գիշերակացի համար՝ կախված նախաճաշի կամ այլ լրացուցիչ ծառայությունների ներառումից: Իսկ ամեն բան այնքան գեղեցիկ էր սկսվել, երբ Նիկոլ Փաշինյանը վստահեցնում էր, որ եկել է փակելու խնամի-ծանոթ-բարեկամի էջը: Պարզվեց՝ Փաշինյանն այդ էջը չէր փակել իր մերձավորների առաջ. հիշենք միայն, որ այս հայտարարությունից հետո ԱԺ-ում հայտնվեցին Աննա Հակոբյանի եղբայր Հրաչյա Հակոբյանը և Նիկոլ Փաշինյանի եղբորորդին՝ Սիփան Փաշինյանը:

Աղբյուրը՝ 168.am

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan