Ես կոչ եմ անում քպ-ին օրենքով ամրագրել Սեդա Սաֆարյանին քննադատելու խստագույն արգելք

Արսեն Բաբայանն ու Սոս Հակոբյանը վաղը՝ փետրվարի 10-ին ժամը 16:30-ին հրավիրել են հանրային քննարկում՝ ներկայացնելու ՍԴ դատավոր Սեդա Սաֆարյանի վերաբերյալ «հետաքննության» արդյունքները։ Հիշեցնեմ, որ բացահայտվել էր, որ ՍԴ դատավորի պաշտոնը ստանձնելուց հետո նշված Սաֆարյանը շարունակել է որոշ ժամանակ զբաղվել փաստաբանությամբ։

Չգիտեմ՝ կկարողանամ մասնակցել քննարկմանը, թե՝ ոչ, սակայն ամեն դեպքում այստեղ կթողնեմ հարցի շուրջ իմ նկատառումները՝ որպես հանրային գործիչ ու իրավապաշտպան.

1) Ես պնդում եմ, որ Սեդա Սաֆարյանը իրավունք ունի ՍԴ դատավոր լինելու հետ մեկտեղ զբաղվել ոչ միայն փաստաբանությամբ, այլև մոլեկուլյար ֆիզիկայով, աստղագուշակությամբ, կավագործությամբ և գեղասահքով։

2) Ես կոչ եմ անում քպ-ին օրենքով ամրագրել Սեդա Սաֆարյանին քննադատելու խստագույն արգելք՝ որպես պատիժ սահմանելով իրավաբանության վերաբերյալ Սեդա ու Ստյոպա Սաֆարյանների դասախոսությունների հարկադիր ունկնդրումը։

3) Ես կոչ եմ անում ՍԴ-ին հակասահմանադրական ճանաչել Սեդա Սաֆարյանի անունը որևէ ձևով հոլովելը՝ բացառությամբ գոհաբանության ու փառաբանության։

Ռուբեն Մելիքյանի ֆեյսբուքյան էջից